16:59 02 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43

Վարչապետի ծրագրերը հնարավոր չէ այս տարի կյանքի կոչել․ Պետրոսյան

ՌԱԴԻՈ
Ստանալ կարճ հղումը
61 0 0

ՀՀ գյուղատնտեսության նախկին փոխնախարար Գառնիկ Պետրոսյանը Sputnik Արմենիայի եթերում անդրադարձել է Հայաստանում գյուղատնտեսական կոոպերատիվների ձևավորումը խթանելու հանարավորություններին։

Պետրոսյան. «Կոոպերատիվներ հիմնելու համար հարկավոր է մասնագիտական որակյալ ու մեծ ներուժ»

ՀՀ գյուղատնտեսության նախկին փոխնախարար Գառնիկ Պետրոսյանի դիտարկմամբ՝ կոոպերացիայի գաղափարն իհարկե լավն է, բայց, ցավոք, արդեն տասնյակ տարիներ մեր երկրում բազմաթիվ միջոցառումներ ու ծրագրեր են իրականացվել, մինչդեռ մենք որևէ առաջընթաց չունենք այս բնագավառում։ Ըստ Պետրոսյանի` դա առաջին հերթին պայմանավորված է մեր «մենտալիտետով» և մի շարք օբյեկտիվ հանգամանքներով։

«Եթե հիմա հայտարարենք, որ կոոպերատիվներին 70 տոկոս հատուցում կտանք կատարվող ծախսերի դիմաց, ապա դա չի նշանակում, որ վաղն անմիջապես  պետռեգիստրում մարդիկ հերթ կկանգնեն կոոպերատիվներ գրանցելու նպատակով։ Դրա համար ժամանակ է պետք և տքնաջան աշխատանք, անհրաժեշտ են նաև լուրջ դիտարկումներ և ուսումնասիրություններ։ Գործընթացն իրականացնելու համար, անշուշտ, հարկավոր է մասնագիտական որակյալ և մեծ ներուժ` այն օգտագործելու և զարգացնելու համար»,– Sputnik Արմենիայի հետ զրույցում ասաց նա։

ՀՀ վարչապետ Նիկոլ Փաշինյանը կառավարությունում կայացած խորհրդակցության ժամանակ նշել է, որ գյուղատնտեսական կոլեկտիվների`կոոպերատիվների ձևավորումը, Հայաստանում նոր հնարավորություն կբերի բոլոր այն մարդկանց, որոնք անհատական մակարդակում գյուղատնտեսության մեջ հաջողություններ չեն ունեցել։

Կառավարությունը 150 մլրդ դրամի աջակցություն կցուցաբերի տնտեսությանը. Փաշինյան

Պետրոսյանը ցավով է ընդգծում, որ Էկոնոմիկայի նախարարությունում գյուղատնտեսության ոլորտը սպասարկող խումբը շատ փոքր է և ունի սահմանափակ հնարավորություններ։  

«Մենք մեր խորհրդատվական կառույցները դարձրեցինք նախարարության ստորաբաժանումներ, որտեղ փորձառու, շատ հմուտ և իմաստուն մասնագետները մեխանիկորեն դուրս մնացին տվյալ ոլորտից, մինչդեռ աշխարհի փորձը ցույց է տալիս, որ օրինակ, ԱՄՆ–ում և այլ երկրներում նույնիսկ 70 տարեկան մասնագետները խորհրդատվության բնագավառում տակավին մեծ դերակատարություն ունեն»,– նշեց նախկին փոխնախարարը։

Ինչպես է պետությունն ուզում աջակցել տնտեսվարողներին. Փաշինյանը նախագիծ է ներկայացրել

Նրա համոզմամբ` ամբողջ ագրարային գիտությունը հիմնված է պրակտիկ փորձի վրա, ինչի բացակայության դեպքում հնարավոր չէ դրական արդյունք ակնկալել։ Ըստ նրա` իհարկե, լավ է, որ երիտասարդները կրթվում են արտասահմանում, տիրապետում են օտար լեզուների, սակայն եվրոպական փորձը պետք է տեղայնացվի ու ադապտացվի մեր պայմաններին։ Պետրոսյանը հիացած է վարչապետի առաջարկով, վերջինիս ծրագրերն, իր գնահատմամբ, շատ լավն են, բայց, ցավոք, մեկ տարվա կտրվածքով հնարավոր չէ դրանք կյանքի կոչել։   

 

Ըստ թեմայի

Ինչի՞ կհանգեցնի վարկերի եռամսյակային սառեցումը․ Ճզմաչյանը՝ հնարավոր ռիսկերի մասին
Հայաստանի բանկերը սկսել են ավելի շատ ռուբլի գնել, բայց դեռ վաղ է գնահատականներ տալ․ ԿԲ
Կորոնավիրուսից տուժած գործարարներին` անտոկոս վարկեր, քաղաքացներին աջակցություն կտրամադրեն
Կառավարությունը 3 կարևոր ուղղությամբ է քայլեր ձեռնարկելու. Փաշինյանը մանրամասներ հայտնեց
թեգերը:
Նիկոլ Փաշինյան, փոխնախարար, ՀՀ Գյուղատնտեսության նախարարություն, Հայաստան

Գլխավոր թեմաներ