15:59 04 հունիսի 2020
Ուղիղ եթեր
  • USD482.38
  • GBP607.22
  • EUR540.89
  • RUB7.05

Ով կշահի Արցախում համապետական ընտրությունները հետաձգելուց. քաղտեխնոլոգի կարծիքը

ՌԱԴԻՈ
Ստանալ կարճ հղումը
162 0 0

Քաղտեխնոլոգ Արմեն Բադալյանը Sputnik Արմենիայի եթերում անդրադարձել է Արցախում մարտի 31-ին նախանշված համապետական ընտրությունների կայացման կամ հետաձգման հարցին, առավել ևս, որ նախագահի թեկնածուներից 2-ն ու «Նոր Արցախ» դաշինքը հանդես են եկել համապատասխան հայտարարությամբ։ 

Բադալյան. «Ընտրությունների հետաձգումից կարող է շահել այն թեկնածուն, ով առաջին կամ երկրորդ տեղում չէ»

Մասիս Մայիլյանն ու «Նոր Արցախ» դաշինքի նախընտրական շտաբները չեղարկել են հանրային հանդիպումները, իսկ Վիտալի Բալասանյանը կոչով դիմել է նախագահի թեկնածուներին և գործող նախագահ Բակո Սահակյանին` գալիք ընտրությունները հետաձգելու և Արցախում արտակարգ դրություն մտցնելու կոչով։ 

Արցախի հսկիչ  անցակետերում վագոններ են տեղադրվել ջերմաչափումներ իրականացնելու համար

Քաղտեխնոլոգ Արմեն Բադալյանի դիտարկմամբ` Արցախում կայանալիք համապետական ընտրությունները միայն ԼՂՀ–ին չեն առնչվում, դրանցում բավականին մեծ շահագրգռվածություն ունեն աշխարհաքաղաքական կենտրոնները, և նշված գործընթացին առնչվող ցանկացած երևույթ պետք է դիտարկել այս տեսանկյունից։ 

«Պատահական չէ, որ թեկնածուներից մեկն առաջարկել է դադարեցնել ընտրական գործընթացը և այն վերսկսել ավելի ուշ։ Կան նաև թեկնածուներ, որոնք այդքան էլ դեմ չեն գործընթացին։ Սակայն կա մեկ թեկնածու, որն ունի հաղթելու ամենամեծ հնարավորություններն ըստ իր կողմնակիցների, հետևաբար, դեմ է ընտրությունների հետաձգմանը։ Այս պահին Արցախում դեռևս չկան կորոնավիրուսով վարակվածներ, ուստի չի բացառվում, որ ընտրություններն այնտեղ կկայանան նախանշված օրը»,– նշում է քաղտեխնոլոգը։ 

Արցախում ժամանակավորապես դադարեցվում է պետական կառավարման մարմինների գործունեությունը

Արմեն Բադալյանի կարծիքով` ընտրությունների հետաձգումից կարող է շահել այն թեկնածուն, որն առաջին կամ երկրորդ տեղում չէ, որովհետև չի բացառվում, որ կարող է լինել երկրորդ փուլ։ Ըստ այդմ` նրանք, ովքեր կարծում են, որ չեն անցնի երկրորդ փուլ կամ այս պահին ֆավորիտների մեջ չեն, անշուշտ, կնախընտրեն հետաձգումը։    

«Կարծում եմ, որ եթե համաճարակը չի սպառնում Արցախին, ուրեմն ընտրությունները պետք է կայանան։ Ի վերջո՝ պետք է հասկանալ, որ հարցի հետաձգումը հարցի լուծում չէ։ Ի՞նչ ժամանակով կարելի է հետաձգել`մեկ ամիս, կես տարի, մեկ տարի։ Դա կառաջացնի նոր խնդիրներ Հայաստան–Արցախ և դրսի ուժեր–Արցախ հարաբերություններում։ Հարցերի կուտակումը կարող է դրական ավարտ չունենալ»,– նշում է քաղտեխնոլոգը։ 

Արմեն Բադալյանի գնահատմամբ` նրանք, ովքեր Հայաստանում ու Արցախում իրավիճակները նմանեցնում են, իրենք, ըստ էության, իրենց նույնականացնում են ՀՀ իշխանությունների հետ` փորձելով օգտագործել վերջիններիս իմիջը ղարաբաղյան ներքաղաքական գործընթացներում։

Ըստ Արմեն Բադալյանի` նման տեխնոլոգիան նույնպես կիրառվում է նախընտրական գործընթացներում։ 

Ի՞նչ են մարդիկ ակնկալում Արցախի ընտրություններից․ հստակ պատասխաններ մշուշոտ եղանակին

Ըստ թեմայի

Օպերատիվ շտաբն Արցախում ամբողջությամբ վերահսկում է կորոնավիրուսի հետ կապված իրավիճակը
Ժամանակավորապես արգելվում է բոլոր անձանց մուտքը Արցախ
«Զգոն եղեք»․ Սերժ Սարգսյանը ընտրություններից առաջ ուղերձով դիմել է արցախցիներին
թեգերը:
քաղտեխնոլոգ, կորոնավիրուս, Արմեն Բադալյան, Ընտրություններ, Արցախ

Գլխավոր թեմաներ