22:31 26 մայիսի 2020
Ուղիղ եթեր
  • USD483.82
  • GBP595.63
  • EUR530.41
  • RUB6.81

Մսի գինը կարող է կտրուկ բարձրանալ. Աշոտ Հովհաննիսյանն առաջարկ ունի կառավարությանը

ՌԱԴԻՈ
Ստանալ կարճ հղումը
403 0 0

Գյուղատնտեսական գիտությունների դոկտոր, պրոֆեսոր Աշոտ Հովհաննիսյանը Sputnik Արմենիայի եթերում անդրադարձել է այն հարցին, թե արտակարգ դրության պատճառով կարո՞ղ է արդյոք հայկական շուկայում մսամթերքի դեֆիցիտ լինել։

Հովհաննիսյան. «Լավ կլիներ, որ կառավարությունը նաև գումարներ հատկացներ միս վերամշակող ձեռնարկություններին»

Աշոտ Հովհաննիսյանի փոխանցմամբ` մենք գրեթե ինքնաբավ ենք ոչխարի մսի պաշարով, իսկ մյուս մսատեսակների առումով ունենք բացասական հաշվեկշիռ։ Ըստ տվյալների` մենք տարեկան ներմուծում ենք 7-8 հազար տոննա տավարի և խոզի միս, որի հիմնական մասը մշակվում է վերամշակման ձեռնարկությունների կողմից։ Այս իրավիճակով պայմանավորված բացասական հաշվեկշիռն այս տարի կարող է մեծանալ։

«Թռչնամսի առումով ունենք ավելի ցավալի պատկեր։ Հայաստանում սպառվում է տարեկան 40-45 հազար տոննա թռչնի միս, որի 1/3-րդն ենք ինքներս արտադրում, իսկ մնացած մասը ներկրվում է դրսից։ Կորոնավիրուսի պատճառով հասարակական սննդի կետերը չեն աշխատում, այս ժամանակահատվածում և նման պայմաններում մեր երկրում արտադրվող խոզի մսի գրեթե 60-70 տոկոսը և տավարի մսի 20-25 տոկոսը սպառում է հասարակական սննդի ոլորտը։ Եվ քանի որ նշված կետերը չեն աշխատում, հետևաբար ունենք ավելի շատ առաջարկ, քան պահանջարկ, ինչին գումարվում է նաև բնակչության գնողունակության նվազման միտումը»,– նշում է մասնագետը։

Ինչպե՞ս խանութ գնալ արտակարգ դրության ժամանակ

Հովհաննիսյանի գնահատմամբ` առաջիկա մեկ–երկու ամսում հաշվեկշիռը կարող է փոխվել։ Ըստ նրա` մայիսի կեսերից արդեն կառաջանա թռչնամսի կտրուկ դեֆիցիտ և մեր արտադրողները չեն կարողանա ամբողջ ծավալով բավարարել առաջարկը, իսկ դրսից ներկրումը կդառնա ավելի դժվար։ Այդ հանգամանքը կարող է անդրադառնալ նաև մեծածախ ու մանրածախ գների վրա։

«Մայիսի վերջին և հունիսի սկզբին կարող է լուրջ դեֆիցիտ լինել կապված տավարի մսի հետ, ինչը կառաջացնի որոշակի դժվարություններ։ Իսկ հունիս–հուլիս ամիսներին կառաջանան խնդիրներ խոզի մսի առումով, այնպես որ ներկայումս ձևավորված գները կարող են կտրուկ բարձրանալ»,– նշում է մասնագետը։

Իրավիճակը մեղմելու համար Աշոտ Հովհաննիսյանը ՀՀ կառավարությանն առաջարկում է նախևառաջ աջակցել թռչնաբուծարաններին, որպեսզի հատկապես մսի արտադրությամբ զբաղվող բուծարաններն ի վիճակի լինեն արագ կազմակերպել վերարտադրության գործընթացը, թեև դա շուտ լուծվող հարց չէ։

Հովհաննիսյանի կարծիքով` խոզի մսի պարագայում ճիշտ կլիներ, որ կառավարության կողմից վերամշակող ձեռնարկություններին գումար տրամադրվեր և սահմանվեր որոշակի շեմ, որպեսզի խոզի միսը դրանից ցածր գնով չընդունեն ֆերմերներից։ Շատ ֆերմերներ ունեն խոզեր, բայց չեն կարողանում իրացնել, որովհետև հասարակական սննդի օբյեկտները չեն աշխատում։

Հայաստանում արտակարգ դրության ռեժիմ հայտարարվելուց հետո ինտերնետ տրաֆիկը կտրուկ աճել է

Ըստ թեմայի

Թանկացումները ժամանակավո՞ր են․ տնտեսագետի կանխատեսումները հուսադրող են
Կան բաներ, որոնք պետությունը չի կարող հսկել, սակայն քաղաքացին պարտավոր է կատարել
Լուռումունջ ընդունված որոշման մեծ աղմուկը. նախարարության գործելաոճը զարմացրել է ՀԿ–ներին
թեգերը:
գին, Միս, Հայաստան

Գլխավոր թեմաներ