19:22 11 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84

Բադալյան. «Արարատ Միրզոյանի հայտարարությունը մանկական խաղ է հիշեցնում»

ՌԱԴԻՈ
Ստանալ կարճ հղումը
167 0 0

Քաղտեխնոլոգ Արմեն Բադալյանը Sputnik Արմենիայի եթերում անդրադարձել է Ազգային ժողովում միջադեպի հետևանքով առաջացած իրավիճակին և հնարավոր հետևանքներին։ 

Բադալյան. «ԼՀ»-ին վերաբերող` Արարատ Միրզոյանի հայտարարությունը հիշեցնում է մանկական խաղ»

Քաղտեղնոլոգ Արմեն Բադալյանի դիտարկմամբ` «Լուսավոր Հայաստանի» բոյկոտը զուտ քվորումի տեսակետից որևէ հարց չի կարող առաջացնել, որովհետև իշխող «Իմ քայլը» խմբակցությունն ունի այնքան ձայն, որ կարող է խորհրդարանում ցանկացած օրենք ընդունել առանց ընդդիմության դիմակայության։ 

«Իրավական տեսակետից որևէ խնդիր չկա, բայց լեգիտիմության առումով կարող են ի հայտ գալ լուրջ պրոբլեմներ, քանզի եթե մի խմբակցություն ամբողջությամբ չի մասնակցում օրենսդիր մարմնի աշխատանքներին, ապա դրանով խորհրդարանի քաղաքական կշիռը զգալիորեն թուլանում է, չունեցած հեղինակությունն էլ ավելի է ցածրանում»,– Sputnik Արմենիայի հետ զրույցում ասաց նա։ 

Անդրադառնալով Արարատ Միրզոյանի հայտարարությանը` Արմեն Բադալյանը նշեց, որ այն մանկական խաղ է հիշեցնում «մինչև հետ չգաս, քո օրենսդրական նախաձեռնությունները չենք քննարկի», այսինքն` դրանով ուզում են ստիպել, որ խմբակցությունը վերադառնա ու մասնակցի նիստերին։ Ըստ քաղտեխնոլոգի` իշխող ուժն հավանաբար հասկանում է, որ եթե մեկ խմբակցության բացակայության դեպքում մյուսն էլ ինչ–ինչ պատճառով դիմի նման քայլի, ապա ԱԺ–ն ամբողջությամբ կդառնա ոչ լեգիտիմ և գուցե կառաջանա նաև արտահերթ խորհրդարանական ընտրությունների պահանջ։ 

Քո մայրն ինձ համար սուրբ է. Սասուն Միքայելյանն ԱԺ ամբիոնից առաջարկ արեց Էդմոն Մարուքյանին

«Երկու կողմերն էլ շատ լավ հասկանում են, թե խաղն ինչի շուրջ է, դեպի ուր է գնում և ինչ հետևանքներ կարող են լինել։ Համենայնդեպս նման իրավիճակը չի կարող երկար շարունակվել։ Իսկ, թե լարումն ինչի կհանգեցնի, դա արդեն այլ վայրերում քննարկման թեմա է, քանզի չի բացառվում, որ արտախորհրդարանական որոշ ուժեր փորձեն օգտվել ստեղծված իրավիճակից` նախաձեռնելով լարման գործընթաց կամ արտախորհրդարանական ընտրությունների մեկնարկ»,– նշեց քաղտեխնոլոգը։

Բադալյանի կարծիքով` «Իմ քայլն» ու «Լուսավոր Հայաստանը» պետք է ձգտեն համաձայնության գալ, որովհետև պատժիչ գործողություններով ոչնչի չեն հասնի։ Ըստ նրա`եթե խմբակցությունն ամբողջությամբ մանդատները վայր դնի կամ չեղարկվեն պատգամավորական գրանցումները, ապա խրթին հարցեր կառաջանան Սահմանադրության շուրջ, հետևաբար կողմերը կփորձեն  պրոբլեմը լուծել այնպես, որ երկուսն էլ պահպանեն իրենց դեմքը։

Հիշեցնենք՝ ԱԺ նախագահ Արարատ Միրզոյանը հայտարարել էր՝ քանի որ «Լուսավոր Հայաստան» խմբակցությունը բացակայում է նիստերից, նրանց հեղինակած օրենսդրական նախաձեռնությունների քննարկումը կհետաձգվի երկու ամսով։

Ըստ թեմայի

«Ես չէի սպասում, որ Սասուն Միքայելյանը կխփի». Էդմոն Մարուքյանը խոսեց ԱԺ–ի ծեծկռտուքի մասին
Ի՞նչ էր անում Նիկոլ Փաշինյանը, երբ ԱԺ-ում պատգամավորներն իրար էին ծեծում․ տեսանյութ
ԱԺ–ում խստացրել են անվտանգության միջոցառումները. պատգամավորներից մեկի մոտ վարակի կասկած կա
Էդմոն Մարուքյան VS Սասուն Միքայելյան. ԱԺ–ի ծեծկռտուքը մեմերի առիթ է դարձել սոցցանցերում
թեգերը:
նախագիծ, «Լուսավոր Հայաստան» կուսակցություն, Էդմոն Մարուքյան, Արարատ Միրզոյան, Արմեն Բադալյան

Գլխավոր թեմաներ