14:38 13 հուլիսի 2020
Ուղիղ եթեր
  • USD486.73
  • GBP613.77
  • EUR549.62
  • RUB6.84

Ծառուկյանի և ԲՀԿ–ի նպատակն էր պայքարը իրավականից տեղափոխել քաղաքական դաշտ. Դունամալյան

ՌԱԴԻՈ
Ստանալ կարճ հղումը
Գագիկ Ծառուկյանի շուրջ ծավալված իրադարձությունները (104)
51 0 0

Քաղաքագետ Նորայր Դունամալյանը Sputnik Արմենիայի եթերում անդրադարձել է Գագիկ Ծառուկյանի շուրջ տեղի ունեցող զարգացումներին և դրանով պայմանավորված ներքաղաքական իրողություններին։

Դունամալյան. «Այս պահին ընդդիմության համախմբման համար որևէ նախադրյալ չկա»

Քաղաքագետ Նորայր Դունամալյանի դիտարկմամբ` տեղի է  ունենում նորմալ գործընթաց, որը բնորոշ է իրավական ոլորտին, իսկ քաղաքական տեսանկյունից գործընթացը նրա համար թեև ողջունելի չէ, սակայն կրկին ընթանում է բնականոն հունով։ 

«Գործադիր իշխանության համար կարևոր էր Ծառուկյանին առնչվող գործով ցուցադրել իր ուժը, ինչն արեցին` մեսիջներ  ուղարկելով քաղաքական այլ ուժերին: Այդ մեսիջներով ասում են, որ իշխանությունը թույլ չէ և վերահսկում է ամբողջ իրավիճակը` չնայած համավարակի տարածման մեծ տեմպերին։ Իսկ երկրորդ հանգամանքն այն է, որ կտրուկ ոչ մի հետևանք չի լինի, բոլոր խաղաքարտերն արդեն բացվել են ինչպես իշխանության, այնպես էլ ընդդիմության կողմից, ընդ որում` իշխանության ձեռքին ավելի շատ լծակներ են մնացել` ընդդիմության վրա ներազդելու համար»,– նշում է քաղաքագետը։

Նորայր Դունամալյանի կարծիքով` կարևոր է նաև այն հարցը, թե որքանով կհաջողվի ընդդիմությանը համախմբվել այս կամ այն քաղաքական խնդրի շուրջ, սակայն այս պահին ընդդիմության կոնսոլիդացիայի համար նախադրյալ չկա։ Փոխարենը կան տարբեր բացասական դիսկուրսներ, որոնք ուղղված են իշխանության դեմ, բայց գործող իշխանությանն այլընտրանք ստեղծելու միտում դեռ չկա։ 

«Գագիկ Ծառուկյանի և ընդհանրապես ԲՀԿ–ի գլխավոր նպատակն էր տեղափոխել պայքարը իրավական մակարդակից դեպի քաղաքական դաշտ, ինչն այդքան էլ չստացվեց, քանի որ իշխանությունն էլ բոլոր առումներով մերժեց այդ երևույթի քաղաքական բնույթը, և ԲՀԿ–ի համար մանևրելու քիչ տեղ մնաց»,– նշում է քաղաքագետը։

Նորայր Դունամալյանի փոխանցմամբ` ԲՀԿ–ն բռնել է այն ճանապարհը, ինչ ժամանակին ՀԱԿ–ն ու «Ժառանգությունը» խորհրդարանի տարբեր գումարումների ժամանակ։ Ըստ նրա` իշխանության վարկանիշը դեռ բավականին բարձր է այս իրավիճակում, ավելի ստույգ` բարձր է Փաշինյանի վարկանիշը, քանի որ հասարակությունը հստակ տարբերում է վարչապետին կառավարությունից, ու թեև այդ վարկանիշն իջնում է, սակայն դա չի բերի կրիտիկական արդյունքի։ 

Գյուղ առ գյուղ ընկած մարդիկ են պեղում, որ ասեն՝ իրենց փող ենք տվել. Զոհրաբյան

Հիշեցնենք` հունիսի 21-ին Երևանի ընդհանուր իրավասության դատարանը մերժեց Գագիկ Ծառուկյանի նկատմամբ կալանքը որպես խափանման միջոց ընտրելու միջնորդությունը: Դատախազությունը հայտարարել է, որ այդ որոշումը բողոքարկելու է Վճռաբեկ դատարանում:

ԱԱԾ-ն հունիսի 14-ին խուզարկություն էր իրականացրել Գագիկ Ծառուկյանի առանձնատանը: Նրա դեմ 3 քրեական գործ է հարուցվել։

Մինչ այդ` հունիսի 16-ին, ԱԺ–ն որոշել էր Գագիկ Ծառուկյանին զրկել անձեռնմխելիությունից և թույլ տալ, որ նրա նկատմամբ քրեական հետապնդում սկսվի:

թեմա:
Գագիկ Ծառուկյանի շուրջ ծավալված իրադարձությունները (104)

Ըստ թեմայի

Օրենսդրությանը հակասող իրավիճակ չկա. դատախազության պատասխանը Ծառուկյանի փաստաբանին
ԱԱԾ–ն Գագիկ Ծառուկյանի թեմայով դիմել է քաղաքացիներին. տեսանյութ
Գագիկ Ծառուկյանն այնքան չկա՞, որ ազդի նախաքննության վրա, թե՞ խորհրդարանը խայտառակ եղավ
թեգերը:
Քրեական գործ, ՀՀ ազգային անվտանգության ծառայություն. ԱԱԾ, «Իմ քայլը» խմբակցություն, Բարգավաճ Հայաստան կուսակցություն (ԲՀԿ), Գագիկ Ծառուկյան, քաղաքագետ

Գլխավոր թեմաներ