22:59 04 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81

«Հազում էի, ու պատասխանը դրական եղավ». Քրիստինե Պողոսյանն էլ է վարակվել կորոնավիրուսով

ՌԱԴԻՈ
Ստանալ կարճ հղումը
473 0 0

Ազգային ժողովի «Իմ քայլը» խմբակցության տասնյակ պատգամավորներ այսօր բացակայում են նիստից: Ոմանց մոտ վարակն արդեն հաստատվել է, մյուսները որոշել են ինքնամեկուսանալ՝ անվտանգության նկատառումներով:

Պողոսյան. «Այս պահին մեկուսացած եմ տանը, դեռ ցուցում չեմ ստացել հոսպիտալացման»

Ազգային ժողովի «Իմ քայլը» խմբակցության պատգամավոր Քրիստինե Պողոսյանը ևս վարակվել է կորոնավիրուսով: Այս մասին նա հայտնեց Sputnik Արմենիայի հետ զրույցում:

«Երեկ երեկոյան եմ իմացել, որ դրական է թեստի պատասխանը: Թեստավորման ուղարկեցին, որովհետև երկու օր բարձր ջերմությւն ունեի՝ 39 աստիճան, հազում էի, ու պատասխանը դրական եղավ»,- ասաց նա:

Թե որտեղ է վարակվել, պատգամավորը պատկերացում չունի: Նա նաև հայտնեց, որ այդ ընթացում բոլոր կանոնները խիստ պահպանել է: Աշխատանքի ու տուն գնացել- եկել է դիմակով, պարբերաբար ձեռքերն ախտահանել է ալկոգելով, սպիրտով:

Քրիստինե Պողոսյանը հայտնեց նաև, որ վերջին 2-3 օրերին ԱԺ չի գնացել:

«Այս պահին մեկուսացած եմ տանը, դեռ ցուցում չեմ ստացել հոսպիտալացման: Դեղորայք եմ օգտագործում: Այս պահի դրությամբ ջերմությունս իջել է՝ դեղերի ազդեցության տակ»,- ասաց նա՝ հավելելով, որ առայժմ իրեն թույլ է զգում, բայց քիչ ավելի լավ է, քան մինչ դեղորայք ընդունելը:

Կորոնավիրուս է հաստատվել ԱԺ ևս մեկ պատգամավորի մոտ

Ի դեպ, Ազգային ժողովի «Իմ քայլը» խմբակցության տասնյակ պատգամավորներ այսօր բացակայում են նիստից: Ոմանց մոտ վարակն արդեն հաստատվել է, մյուսները որոշել են ինքնամեկուսանալ՝ անվտանգության նկատառումներով:

ԱԺ «Իմ քայլը» խմբակցության պատգամավոր Վիկտոր Ենգիբարյանը ևս հայտնել է, որ իր մոտ ևս այսօր կորոնավիրուս է ախտորոշվել:

Հիշեցնենք՝ երեկ կորոնավիրուսով վարակված լինելու մասին հայտնել էր նաև ԱԺ «Բարգավաճ Հայաստան» խմբակցության պատգամավոր, ԱԺ փոխնախագահ Վահե Էնֆիաջյանը: Նա նույնպես նշել էր, որ ինքնազգացողությունը լավ է, առողջական խնիրներ չունի:

711 հաստատված դեպք` մեկ օրում. Հայաստանում կորոնավիրուսով վարակվածների թիվը դարձավ 21 717

Ըստ թեմայի

Արսեն Թորոսյանը գիտի՝ կորոնավիրուսից հետո ինչպիսին կլինի ՀՀ–ի առողջապահական համակարգը
Ինչո՞ւ կորոնավիրուսով հիվանդները օգնություն չեն ստանում և ստիպված դիմում են լրագրողներին
Ո՞ր տեղում է Հայաստանը կորոնավիրուսով վարակված երկրների ցանկում
թեգերը:
Պատգամավոր, Հայաստան, կորոնավիրուս, Քրիստինե Պողոսյան (ԱԺ պատգամավոր)

Գլխավոր թեմաներ