03:46 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58

Ինչու է Ադրբեջանը փորձում լարված պահել վիճակը. մեկնաբանում է քաղաքագետը

ՌԱԴԻՈ
Ստանալ կարճ հղումը
Հայերի և ադրբեջանցիների միջև բախումներ (56)
25320

«Պոլիտէկոնոմիա» հետազոտական կենտրոնի քաղաքական մեկնաբան Երվանդ Բոզայանը Sputnik Արմենիայի հետ զրույցում անդրադաձել է հայ-ադրբեջանական սահմանի լարվածության հետևանքով տարբեր երկրներում ծավալված էթնիկ բախումներին:

Բոզոյան. «Ադրբեջանը փորձում է լարված պահել վիճակը՝ որպեսզի իր իշխանությանը վտանգ չսպառնա»

Քաղաքագետ Երվանդ Բոզայանի կարծիքով՝ Ադրբեջանը, պարտվելով մարտի դաշտում, փորձեց կոմպենսացնել այդ պարտությունը այլ հարթություններում՝ լարված վիճակը տեղափոխելով Մոսկվա, Վաշինգտոն, եվրոպական երկրներ՝ հրահրելով էթնիկ բախումներ:

Ըստ քաղաքագետի՝ Ադրբեջանի այսօրվա իշխանությունները պատրաստ չէին այդ իրավիճակին և փորձում են մոբիլիզացնել իրենց հասարակությանը իրենց կողքին, որովհետև զգում են , որ իրենց իշխանությանը վտանգ է սպառնում հենց հասարակությունից:

«Ադրբեջանական հասարկությունը երկար ժամանակ ապրել է այն գաղափարով, որ ադրբեջանական բանակը հզոր է, ուժեղ է, ցանկացած պահի կարող է հարձակվել ու լուծել ղարաբաղյան խնդիրը, պարզապես միջնորդներն են խանգարում: Եվ որպեսզի իշխանությունը խուսափի ադրբեջանական հասարակության հարցադրումներից, փորձում է լարված պահել իրավիճակը, փորձում է կոսոլիդացված պահել հասարակությանը իր կողքին, որպեսզի իր իշխանությանը վտանգ չսպառնա»,-ասել է քաղաքագետը:

Ադրբեջանցիների հարձակումից տուժած հայերը դիմել են կոչով. տեսանյութ

Բոզոյանի կարծիքով՝ քանի որ այս պահին Ադրբեջանը չի կարող պատերազմական գործողություններ սկսել՝ ռիսկային է իր համար, փորձում է պատերազմական գործողությունները տեղափոխել այլ հարթություններ: Հայ-ադրբեջանական սահմանին նախկինում եղած բախումների ժամանակ Ադրբեջանը լարվածություն չի զգացել հասարակության կողմից:

Իսկ այժմ վախեցած է և փորձում է լարվածությունը տեղափոխել է աշխարհով մեկ:

Ըստ քաղաքագետի՝ Ադրբեջանի իշխանությունն է այս բախումների հրահրողը և փորձելու է որքան հնարավոր է` լարված պահել վիճակը:

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Հայկական ԶՈւ ստորաբաժանումները 13 ԱԹՍ են խոցել

թեմա:
Հայերի և ադրբեջանցիների միջև բախումներ (56)

Ըստ թեմայի

Թուրքական վերնախավը Հայաստանն ասոցացնում է Ռուսաստանի հետ. ինչ ռիսկեր կան
Մոսկվայից հասկացրել են, որ դժգոհ են. ինչու Փաշինյանը չեղարկեց այցը
Ինչո՞ւ է Արմեն Սարգսյանը խուսափում իր լիազորություններից. փորձագետի կարծիք
թեգերը:
Իշխանություն, Իլհամ Ալիև, Ռուսաստան, Սահման, հայ-ադրբեջանական, ադրբեջանցի, Ադրբեջան, հայեր

Գլխավոր թեմաներ