13:14 21 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46

Արտոնյալ վարկերի ռիսկերը. ինչպես է կատարվելու ձեռնարկությունների ընտրությունը

ՌԱԴԻՈ
Ստանալ կարճ հղումը
133 0 0

ՀՀ էկոնոմիկայի նախարարի տեղակալ Նաիրա Մարգարյանը Sputnik Արմենիայի եթերում անդրադարձել է կառավարության կողմից իրականացվող 19-րդ հակաճգնաժամային ծրագրին։

Մարգարյան. «Աջակցություն ստացողների համար պարտաճանաչ վարկային պատմությունը լինելու է չափանիշ»

ՀՀ կառավարության ծրագրի համաձայն` սկսնակ ձեռներեցներին կօգնեն ստանալ արտոնյալ վարկեր (7-10%-անոց)` մինչև հինգ տարի մարման ժամկետով։ Մինչև երեք տարվա աշխատանքի փորձ ունեցող ձեռնարկությունները, որոնք կցանկանան զարգացնել իրենց բիզնեսը, կարող են ստանալ մինչև 20 մլն դրամ վարկ, իսկ սկսնակ` զրոյից բիզնես կառուցողները` մինչև 10 մլն դրամ։

ՀՀ էկոնոմիկայի փոխնախարար Նաիրա Մարգարյանի դիտարկմամբ` եթե խոսք է գնում տարիներ շարունակ գործող կազմակերպությունների մասին, ապա նրանց պարագայում պարտաճանաչ վարկային պատմությունը լինելու է չափանիշ, որովհետև ֆինանսավորումը կատարելու է բանկը։

«Ճիշտ է, բանկի ռիսկերը երաշխավորված են, և այն ավելի թեթև կնայի հարցին, բայց, քանի որ սրանք հանրային միջոցներ են, միևնույն ժամանակ մենք նույնպես միտված ենք բանկի հետ համագործակցելուն և գիտելիքները, ռիսկայնությունը չափելուն։ Այստեղ ծրագրակենտրոն ընտրությունը բավականին լուրջ է լինելու, այսինքն` նախապես ծրագիրն է ընտրվելու և ծրագրի հետաքրքրությունը։ Ոչ թե կազմակերպության վարկունակությունն է լինելու կամ ֆինանսական վիճակը, այլ այն, թե այդ ծրագրում ինչպիսի ֆինանսական ներհոսքեր կապահովվեն, որքան լուրջ մշակված կլինի ծրագիրը և որքան ռեսուրսներ կունենա կազմակերպությունն այդ գաղափարն իրագործելու համար»,– նշում է էկոնոմիկայի նախարարի տեղակալը։ 

Համաշխարհային բանկը մեկ տարով չեղարկում է Հայաստանին տրամադրած վարկերի 1.7% տոկոսադրույքը

Մարգարյանի տեղեկացմամբ` եթե ինչ–որ ուղղվածություն ունեցող կազմակերպություն որոշել է ինչ–որ բան ներմուծել, ապա կարևոր է, թե արդյո՞ք այդ կազմակերպությունն ունի համապատասխան աշխատակիցներ, որոնք կկարողանան սպասարկել գործընթացը, ճիշտ կիրառել ու շահագործել, հետևաբար, տարիներ շարունակ գործող կազմակերպությունների պարագայում բովանդակային գնահատման ժամանակ հաշվի են առնվելու հենց այդ ռիսկերը, իսկ ֆինանսական բնույթի ռիսկերն արդեն կգնահատի բանկը։ 

Ըստ Մարգարյանի`բանկը սկսնակ կազմակերպությունների պարագայում գնահատելու շատ բան չի ունենա, հետևաբար, այստեղ հիմնվելու են միայն ծրագրի վրա, թե որքանով է այն իրատեսական։ 

Բանկային վարկերի այլընտրանք. Հայաստանում քննարկվում է լիզինգի կիրառման հարցը

Ըստ թեմայի

Փաշինյանն արձագանքել է, բայց ռեստորանային բիզնեսի ցավը միայն քաղաքապետը կարող է բուժել
«Սպիտակ Շորժայի» սեփականատերը մամուլից է տեղեկացել, որ իր տարածքում բիզնես են հիմնել
Մեքենաներ ու բիզնես՝ առանց գրավի․ Հայաստանում բանկային վարկերին այլընտրանք է զարգանում
թեգերը:
վարկ, ծրագիր, բիզնես, Նաիրա Մարգարյան

Գլխավոր թեմաներ