19:09 20 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46

Տավուշյան գործողություններ. ինչ հաղթաթուղթ է տվել դիվանագետներին մեր զինուժը

ՌԱԴԻՈ
Ստանալ կարճ հղումը
92 0 0

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է Մադրիդյան սկզբունքների կիրառելիության հարցին ու առաջնահերթությունների վերաբերյալ ԱՀ նախագահի տեսակետին։

Աբրահամյան. «Տավուշյան գործողություններով մեր զինուժը մեծ հաղթաթուղթ է տվել դիվանագետներին»

Արցախի նախագահը լրագրողների հետ հանդիպման ժամանակ խոսել է Մադրիդյան սկզբունքների մասին, ինչպես նաև նշել, որ եթե առաջ կարևոր էր Արցախի ժողովրդի ինքնորոշման իրավունքը, ապա ներկա փուլում առաջնահերթությունն արդեն անվտանգությունն է։

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանի դիտարկմամբ` Մադրիդյան սկզբունքների վերաբերյալ ՀՀ վարչապետը տարբեր փուլերում հնչեցրել է գնահատականներ, որոնց հիմնական տրամաբանությունն այն է, որ Հայաստանն այդ փաստաթղթի տարբեր դրույթների հետ կապված ունի հարցադրումներ միջնորդ երկրներին, և գլխավոր նպատակն այնպիսի հիմնավոր բացատրություն ստանալն է, որը Հայաստանում և Ադրբեջանում կընկալվի միևնույն կերպ։ 

«Մեծ առումով` այս պահին չկա այլ փաստաթուղթ, իսկ Մադրիդյան սկզբունքների առթիվ (համենայն դեպս վերջին երկու տարվա ընթացքում) միջնորդները դրանք տարբեր ձևերով շրջանառել են տարաբնույթ հայտարարություններում։ Շատ դեպքերում իհարկե չի հնչում կոնկրետ փաստաթղթի անունը, սակայն հղում է կատարվում այդ փաստաթղթի տարբեր վերանայումներին, որոնք եղել են 2009 թվականից ի վեր և դրանց թվաքանակը շուրջ չորս տասնյակ է»,– նշում է «Հենակետ» վերլուծական կենտրոնի ղեկավարը։

Նրա կարծիքով` երբ խոսք է գնում տարբեր փուլերում ընդունված կամ շրջանառված, քննարկված փաստաթղթերի մասին, ապա այդտեղ կա մի կարևոր հանգամանք` ինչ կետից ենք սկսել գործընթացը և որ կետին ենք մոտեցել։ Եթե 1990–ական թվականների սկզբին քննարկվում էր Արցախին բարձր ինքնավարություն տալու հարցը, ապա հետագա տարիներին այդ թեզը ենթարկվել է փոփոխությունների։ Կարելի է ասել, որ վերջին տասնամյակում դրանք ի նպաստ մեզ անընդհատ բարելավումներ են ստացել։ 

«Յուրաքանչյուր հաջորդ իշխանության խնդիրն է ժամանակի ընթացքում բանակցել, քաննարկել` Հայաստանի ու Արցախի համար ստանալով շատ ավելի լավ փաստաթուղթ»,– նշում է «Հենակետ» վերլուծական կենտրոնի ղեկավարը։

Անդրադառնալով նախագահ Արայիկ Հարությունյանի տեսակետին, որ առաջնայինն անվտանգությունն է, հետո նոր ինքնորոշման իրավունքի ճանաչումը, Տիգրան Աբրահամյանն ընդգծում է, որ նպատակները պետք է լինեն նույնը, ինչին ձգտել է ժողովուրդը և ինչն ամրագրված է Արցախի անկախության հռչակագրում։ Ըստ նրա` այս պահին կարևոր է` կա՞ բանակցային գործընթաց, թե՞ ոչ, և ինչ փաստաթղթի շուրջ են ընթանում բանակցությունները։ 

Ըստ Աբրահամյանի` բանակցությունների վերականգնումը կողմերին կհեռացնի խնդիրը ռազմական ճանապարհով կարգավորելու ուղուց, և տավուշյան մարտական գործողություններով հայկական զինուժն արդեն իսկ մեծ հաղթաթուղթ է տվել դիվանագետներին, ինչը հնարավորություն է տալիս բանակցային գործընթացը շարունակել մեզ համար շատ ավելի նպաստավոր դիրքերից։   

Ըստ թեմայի

Ինչի մասին են երազում Ադրբեջանի սահմանից հեռու գտնվող տավուշյան գյուղերի բնակիչները
Տավուշում արվածը գնահատվում է. վարչապետը պարգևատրել է մի շարք ռազմարդյունաբերողների
Տավուշյան մարտերից հետո հայկական ռազմարդյունաբերության նկատմամբ հետաքրքրությունը մեծացել է
թեգերը:
Տիգրան Աբրահամյան, Դիվանագետ, Տավուշ, Հայաստան, Զինված ուժեր

Գլխավոր թեմաներ