22:20 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46

Կառավարությունը տվել է իր համաձայնությունը․ ի՞նչ կփոխի ղազախական նավթը Հայաստանի շուկայում

ՌԱԴԻՈ
Ստանալ կարճ հղումը
217 0 0

Էներգետիկ անվտանգության ինստիտուտի տնօրեն Վահե Դավթյանը Sputnik Արմենիայի եթերում անդրադարձել է այն հարցին, թե ինչ զարգացումներ կարող են լինել նավթամթերքի հայաստանյան շուկայում ղազախական նավթի ներկրման դեպքում։ 

Կառավարությունը տվել է իր համաձայնությունը․ ի՞նչ կփոխի ղազախական նավթը Հայաստանի շուկայում

Էներգետիկ անվտանգության ինստիտուտի տնօրեն Վահե Դավթյանի դիտարկմամբ` Հայաստանի նավթամթերքի շուկան վաղուց ունի խորքային դիվերսիֆիկացման անհրաժեշտություն։ 2013 թվականին «Ռոսնեֆտի» հետ կնքված պայմանագրի շրջանակում շուկայի առյուծի բաժինն ապահովում է ռուսական ընկերությունը, մինչդեռ մեր երկրում գործող հիմնական կազմակերպություններն ընդամենը հանդես են գալիս որպես դիստրիբյուտորներ, նրանք գնում են «Ռոսնեֆտի» կողմից մատակարարվող նավթամթերքը և վերավաճառում Հայաստանում` կարտելային համաձայնության շրջանակում։

«Մենք վերջին տարիներին հետևում ենք մի իրավիճակի, երբ երկրի ներսում շուկայի հիմնական խաղացողները գործում են համաձայնեցված գնային քաղաքականության պայմաններում` խոչընդոտելով մրցակցային միջավայրի ձևավորմանը, ինչի հետևանքով Հայաստանում բենզինի և առհասարակ նավթամթերքի գները միշտ չէ, որ համահունչ են միջազգային միտումներին»,– Sputnik Արմենիայի հետ զրույցում ասաց Էներգետիկ անվտանգության ինստիտուտի տնօրենը։

Դավթյանի կարծիքով` եթե կառավարությունը հավանություն է տվել վերոհիշյալ օրինագծին, ամենևին էլ չի նշանակում, որ ղազախական նավթի մուտքով երկրում տեղի է ունենալու նավթամթերքի շուկայի խորքային վերադասավորում, քանի որ նախևառաջ պետք է հասկանալ այն ծավալները, որոնցով ղազախական ընկերությունը կկարողանա դիրքավորվել հայաստանյան շուկայում, իսկ ծավալները գնահատելու համար նախևառաջ պետք է անցկացնել մի փոքր մարկետինգային ուսումնասիրություն, որպեսզի հասկանալի դառնա այդ ընկերության գնային քաղաքականությունը։

Կպղտորի արդյո՞ք ղազախական նավթը ՌԴ-ից և Իրանից եկող հոսքերը. ի՞նչ սպասել բենզինի շուկայում

«Ղազախստանում գործող գինն ավելի մրցունակ է ՌԴ–ում գործող գնից, սակայն մենք կարող ենք զուգահեռներ անցկացնել միայն ներքին գների միջև, և ամենևին էլ չի նշանակում, որ ղազախական կողմը Հայաստան նավթամթերք կներկրի իր ներքին գներով։ Կարծում եմ, որ սկզբնական փուլում ղազախական ընկերությունը կփորձի մի փոքր դեմպինգային քաղաքականության դիմել շուկայում որոշակի դիրք ապահովելու համար, սակայն վաղ թե ուշ ստիպված է լինելու հարմարվել առկա կոնյուկտուրային»,– նշեց Դավթյանը։

Էներգետիկ անվտանգության ինստիտուտի տնօրենը վստահ չէ, որ ղազախական ընկերությանը կհաջողվի Հայաստանում խորքային դիվերսիֆիկացիայի ենթարկել նավթի շուկան, բայցևայնպես, նրա համոզմամբ` զուտ ռազմավարական առումով դիվերսիֆիկացիան, թեկուզ փոքր ծավալներով, անհրաժեշտություն է, ինչպես նաև կարևոր է ոչ միայն ղազախական ու ռուսական, այլև այլ երկրների ընկերությունների ներկայությունը մեր շուկայում։ Դավթյանը ղազախական նավթի մատակարարման հարցում կարևորում է նաև եվրասիական ինտեգրման բաղադրիչը։  

ՀՀ կառավարությունը հավանություն է տվել «Հայաստանի և Ղազախստանի կառավարությունների միջև Հայաստան նավթամթերքի մատակարարման ոլորտում առևտրատնտեսական համագործակցության մասին համաձայնագիրը վավերացնելու մասին» ՀՀ օրենքի նախագծին։

Ըստ թեմայի

Ինչո՞ւ է բենզինի գինը հասել 280 դրամի. Դավթյանը կարծում է` այս վիճակը երկար չի տևի, եթե...
Հայաստանի բենզինն աշխարհի նավթի հետ կապ չունի՞. ինչու գնանկումն այստեղ չի հասնում
Թունյանը որոշել է պարզել` բենզինի ամեն լիտրից քանի դրամ է գնում կոնկրետ անձանց գրպանը
Մոնոպոլիա՞, թե՞ օլիգոպոլիա. որն է բենզինի շուկայում առկա հիմնական խնդիրը
թեգերը:
Հայաստան, բիզնես, Շուկա, նախագիծ, կառավարություն, նավթ, Վահե Դավթյան

Գլխավոր թեմաներ