07:19 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42

«Իմ քայլը» գնում է ՀՀԿ–ի ճանապարհով. քաղտեխնոլոգը` 3 կուսակցությունների հանրահավաքի մասին

ՌԱԴԻՈ
Ստանալ կարճ հղումը
78 0 0

Քաղտեխնոլոգ Արմեն Բադալյանը Sputnik Արմենիայի եթերում անդրադարձել է հոկտեմբերին 8-ին նախատեսված ԲՀԿ, ՀՅԴ և «Հայրենիք» կուսակցությունների համատեղ հանրահավաքին և այդ համատեքստում ներքաղաքական որոշ իրողությունների։

Բադալյան. «Գործող իշխանությունն ամբողջությամբ ժառանգել է նախորդների գործելաոճը»

Արմեն Բադալյանի դիտարկմամբ` իրավիճակն այնպիսին է, որ առկա է սոցիալ–տնտեսական ծանր իրավիճակ, համավարակից ավելի քան 1000 մարդ է մահացել, ինչը նույնպես հարուցում է հասարակության դժգոհությունը, կառավարությունը երբեմն այնպիսի որոշումներ է ընդունում, որոնք հարվածում են տնտեսվարող սուբյեկտների գործունեությանը։ Այդ ամենից բացի, կան նաև Ամուլսարի, կրթական չափորոշիչների, Ստամբուլյան կոնվենցիայի հետ կապված խնդիրները։

«Բնական է, որ ընդդիմադիր ուժերը չեն կարող հաշվի չառնել հասարակության շրջանում առկա դժգոհությունն ու ձևավորվող բացասական տրամադրությունները և չեն կարող կողքից հանդես գալ դիտորդի կարգավիճակով, հետևաբար նպատակահարմար են գտել իրենց վերաբերմունքն այդ ամենի հանդեպ արտահայտել հանրահավաք անցկացնելով։ Իսկ ինչ վերաբերում է հանրահավաքի բազմամարդությանը, ապա այդ հանգամանքը կախված կլինի կազմակերպիչների գրագետ աշխատանքից»,– Sputnik Արմենիային ասաց քաղտեխնոլոգը։

Բադալյանի կարծիքով` հոկտեմբերի 8-ին նախանշված հանրահավաքին կմասնակցեն ոչ միայն նրանք, ովքեր կգնան հրապարակ, այլև նրանք, ովքեր ուղիղ ռեժիմով համացանցում կհետևեն հանրահավաքին, ինչը նույնպես ցուցիչ է, և կարող է դիտարկվել տարբեր տեսանկյուններից։

«Վերջին 30 տարիների ընթացքում իշխանության բոլոր ներկայացուցիչները նշել են, որ ընդդիմության անցկացրած հանրահավաքներն անիմաստ են եղել, հատկապես հանրապետականները շեշտում էին, որ իրենք քաջածանոթ են հանրությանը հուզող խնդիրներին և պատրաստ են դրանք լուծել։ Փաստորեն «Իմ քայլը» գնում է ՀՀԿ–ի ճանապարհով, և տրամաբանության համաձայն` գործող իշխանությունը նախորդներից պես կրկնում է, որ ինքը ճիշտ է, իսկ ընդդիմությունը սխալ»,– նշեց քաղտեխնոլոգը։

Բադալյանի խոսքով`գործող իշխանությունն ամբողջությամբ ժառանգել է նախորդների գործելաոճը, ընդդիմադիրների նկատմամբ ցուցաբերվում է նույն գործելակերպը, ինչպես տարիներ առաջ։ Ըստ նրա`անգամ ժառանգել են նույն բառապաշարը, որով քննադատում են ընդդիմությանը։

Ինչ է կատարվում. «Իմ քայլը» խմբակցության ներկայացուցիչը հերքում է տարածված լուրերը

Ըստ թեմայի

«Իշխանության չենք եկել այստեղ մնալու համար». Փաշինյանի մտորումները ճիշտ ու սխալի մասին
Առանց ՀՀԿ-ի Հայաստանում դժվար է պատկերացնել լրջագույն քաղաքական պրոցես. Աշոտյան
«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին
թեգերը:
Հայաստանի Հանրապետական կուսակցություն (ՀՀԿ), Արմեն Բադալյան, հանրահավաք, Հայաստան

Գլխավոր թեմաներ