08:17 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70

Հակաահաբեկչական կոալիցիա ստեղծելու Արցախի կոչը տեղին է ու ճիշտ ժամանակին. Թևան Պողոսյան

ՌԱԴԻՈ
Ստանալ կարճ հղումը
Ադրբեջանական ագրեսիան Արցախում - 2020 (2212)
24410

«Մարդկային զարգացման միջազգային կենտրոն» ՀԿ-ի ղեկավար Թևան Պողոսյանը Sputnik Արմենիայի եթերում անդրադարձել է Արցախի Հանրապետության Ազգային ժողովի կոչին` ուղղված Ռուսաստանի Դաշնությանը, Հայաստանի Հանրապետությանն ու Իրանի Իսլամական Հանրապետությանը։ 

Պողոսյան. «Հակաահաբեկչական կոալիցիա ստեղծելու Արցախի ԱԺ կոչը տեղին է ու ճիշտ ժամանակին»
Արցախի Ազգային ժողովը կոչ է անում ՀՀ-ին, ՌԴ-ին ու Իրանին՝ ստեղծել համատեղ Հակաահաբեկչական կոալիցիա՝ այս տարածաշրջան ներթափանցած ահաբեկիչներին և նրանց խմբավորումներին օպերատիվ և արդյունավետ կերպով ֆիզիկապես չեզոքացնելու համար։ 

Թևան Պողոսյանը միանշանակ ողջունում է Արցախի խորհրդարանի նախաձեռնությունը և նշում, որ գործընթացի սկիզբը դրվել է դեռ Արցախի նախագահ Արայիկ Հարությունյանի՝ օրեր առաջ ցուցաբերած նախաձեռնությամբ, երբ նա հայտարարեց`շատ ուրախ կլինի, որ քաղաքակիրթ աշխարհը միանա ահաբեչության դեմ պայքարին։

«Հաճելի է արձանագրել, որ կատարվեց նաև երկրորդ քայլը` Արցախի ԱԺ–ն համապատասխան կոչով դիմեց տարածաշրջանի երկրներին։ Մոտ չորս հազար վարձկան ահաբեկիչներ ներթափանցել են Անդրկովկաս, և եթե հայկական ուժերին հաջողվի նույնիսկ նրանց մեծ մասին վերացնել, միևնույն է, մի մասն ունի այլ նպատակներ և հետո անպայման Ադրբեջանից կշարժվեն հյուսիս` դեպի Ռուսաստան, մի մասն էլ դեպի հարավ` Իրանի տարածք, իսկ եթե անցնեն նաև Վրաստան, ապա դա կլինի մարտահրավեր նաև մեր մյուս հարևանի համար»,– նշում է «Մարդկային զարգացման միջազգային կենտրոնի» ղեկավարը։ 

Թևան Պողոսյանի դիտարկմամբ` հաշվի առնելով մեր տարածաշրջանին ջիհադականների կողմից եկող սպառնալիքները, ճիշտ կլինի բոլորը համատեղեն ջանքերն ընդհանուր պայքար մղելու նպատակով։ Ըստ նրա` թեև ամբողջ աշխարհը, օրինակ, միատեղեց ուժերը Միջին Արևելքում ջիհադականների դեմ մղվող պայքարում, բայցևայնպես դեռ վաղ է ասել, որ տարածաշրջանի երկրներում այլևս չկա ծայրահեղական ահաբեկիչների կամ նրանց խմբավորումների ներկայությունը։  

«Այստեղ ճանաչված կամ չճանաչված լինելու խնդիր չկա, առավել ևս, որ ահաբեկիչներն իրենք ուշադրություն չեն դարձնում այդ հանգամանքին։ Նրանք հարվածում և վնասում են բոլորին, հետևաբար հույս ունեմ, որ երկրները վեր կկանգնեն քաղաքականացված մոտեցումներից4 ու եթե ՀՀ–ն ու ԱՀ–ն ճիշտ աշխատեն միջազգային հանրության հետ, ապա համատեղ ուժերով հնարավոր կլինի ավելի արագ և վերջնականապես վերջ տալ ահաբեկչությանը Հարավային Կովկասում»,– նշում է «Մարդկային զարգացման միջազգային կենտրոնի» ղեկավարը։

Թևան Պողոսյանի կարծիքով` Հայաստանի Ազգային ժողովը պետք է ստանձնի նաև Արցախի կոլեգաների ձայնը ուղղորդելու, տեղ հասցնելու առաքելությունը և համատեղ աշխատի այդ ուղղությամբ։ Ըստ նրա` սա ճանապարհի սկիզբն է, որին պետք է հաջորդեն հետագա քայլերը, ու եթե անհրաժեշտություն առաջանա, ապա մեր խորհրդարանի 132 պատգամավորները մեկ մարդու պես պետք է լծվեն Արցախի իրենց գործընկերների գաղափարները բարձրաձայնելուն ու դրանք առաջ մղելուն։ Թևան Պողոսյանի համոզմամբ` անհրաժեշտ է այդ հարցում համադրել Հայաստանի, տարածաշրջանի երկրների ու Եվրամիության, ամբողջ քաղաքակիրթ աշխարհի ջանքերը։

թեմա:
Ադրբեջանական ագրեսիան Արցախում - 2020 (2212)

Ըստ թեմայի

Ահաբեկիչների ներթափանցումը հակամարտության գոտի պետք է կանխվի. ՌԴ գլխավոր դատախազ
ՀՀ գլխավոր դատախազն ԱՊՀ գործընկերներին կոչ է արել համատեղ պայքարել ահաբեկիչների դեմ
Էրդողանն ահաբեկիչ է. Լոնդոնում մեծ թվով հայեր բողոքի ակցիա են իրականացնում
թեգերը:
տարածաշրջան, Արցախ, ահաբեկիչ, Թևան Պողոսյան

Գլխավոր թեմաներ