10:26 19 հունվարի 2021
Ուղիղ եթեր
  • USD522.19
  • GBP706.58
  • EUR629.92
  • RUB7.03

Ինչպիսին էր 2020 թվականը տնտեսական առումով. իշխանական պատգամավորն ամփոփում է տարին

ՌԱԴԻՈ
Ստանալ կարճ հղումը
137 0 0

Ինչ ցուցանիշներով ենք փակում տարին և ինչպիսի ակնկալիքներ ունենք 2021-ին։ Sputnik Արմենիան անցնող տարվա տնտեսական վայրիվերումների ու ապագայի տեսլականի շուրջ զրուցել է ԱԺ «Իմ քայլը» խմբակցության պատգամավոր, տնտեսագետ Արտակ Մանուկյանի հետ։

Ինչպիսին էր 2020 թվականը տնտեսական առումով. իշխանական պատգամավորն ամփոփել է տարին

2020 թվականն արհավիրքային էր։ ԱԺ «Իմ քայլը» խմբակցության պատգամավոր, տնտեսագետ Արտակ Մանուկյանն այսպես բնութագրեց անցնող տնտեսական տարին։ Տարեսկզբին բիզնեսում գրանցված դրական ցուցանիշները տնտեսությանը հնարավորություն էին տալիս դժվարությամբ, բայց դիմակայել կորոնավիրուսի մարտահրավերներին։ Դրական նշույլները սեպտեմբերին արդեն հօդս ցնդեցին, երբ վրա հասավ ամենամեծ արհավիրքը` պատերազմը, դրան գումարվեց Հայաստանում և աշխարհում համավարակի երկրորդ ալիքը։

«Սեպտեմբերին սկսվեց պատերազմը, և հիմա էլ Covid-ի երկրորդ ալիքը ողջ աշխարհում իր արտացոլանքն ունի նաև Հայաստանում։ Այս ամենով պայմանավորված` տարին ամենայն հավանականությամբ կփակենք 8%-անոց անկմամբ»,- Sputnik Արմենիային ասաց նա։

8%-ը, սակայն, ըստ իշխանական պատգամավորի, այնքան էլ վատ ցուցանիշ չէ, եթե համեմատենք 2008-2009 թթ. տնտեսական ճգնաժամի և դրան հետևանքով գրանցած 14.1 %-անոց տնտեսական անկման ցուցանիշի հետ։

Մանուկյանը համոզված է, որ կառավարության և բոլորիս միասնական ջանքերի արդյունքում գալիք տարում կկարողանանք հաղթահարել տնտեսական արհավիրքը։ Նրա խոսքով` այդ մասին է վկայում նաև բյուջեով նախատեսված բավականաչափ բարձր`3.2% տնտեսական աճի ցուցանիշը։

«Կապիտալի ծախսերի բավականաչափ բարձր նշաձող է սահմանված` ՀՆԱ-ի 3.2 %, այն դեպքում, երբ պատմականորեն մեծ հաշվով մեր միջին ցուցանիշը եղել է 2.8 %»,- նշեց պատգամավորը։

Մանուկյանի դիտարկմամբ`կապիտալ ծախսերի պլանավորումը և դրանց իրագործումը կարող են որոշակիորեն արագացնել տնտեսական աճի ակտիվության տեմպերը։

Հիշեցնենք` դեկտեմբերի 10-ին ԱԺ-ն ընդունեց 2021 թվականի բյուջեի նախագիծը, որով նախատեսվում է 3.2 % տնտեսական աճ ապահովել։

Ըստ թեմայի

Առևտրում ներգրավված է ՓՄՁ–ների 60 տոկոսը. մտահոգիչ փաստեր՝ ՀՀ տնտեսության մասին
«Գազպրոմը» Հայաստանի հետ քննարկել է 2021–ին գազի մատակարարման պայմանները
ՀՀ-ն 30 մլն խորանարդ գազ կխնայի հայ-ադրբեջանական սահմանին գազամուղի վերանորոգումից հետո
թեգերը:
Պատերազմ, կորոնավիրուս, Արտակ Մանուկյան, տնտեսություն, Հայաստան

Գլխավոր թեմաներ