09:12 16 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13

Աննախադեպ իրավիճակին համարժեք քայլեր. ինչու է Իրանը որոշել ՀՕՊ զորավարժություններ սկսել 

ՌԱԴԻՈ
Ստանալ կարճ հղումը
15810

Արցախյան պատերազմից հետո տարածաշրջանում ստեղծված աննախադեպ լարվածությունը ստիպում է Իրանին թե՛ դիվանագիտական, թե՛ ռազմական տիրույթում իրավիճակին համարժեք քայլեր ձեռնարկել։ Sputnik Արմենիայի հետ զրույցում նման կարծիք հայտնեց իրանագետ Վարդան Ոսկանյանը։

Ինչու են Իրանում որոշել ՀՕՊ զորավարժություններ սկսել. մեկնաբանում է իրանագետ Վարդան Ոսկանյանը

«Զորավարժությունները ևս տեղավորվում են նման տրամաբանության մեջ, հատկապես եթե հաշվի առնենք, որ Ադրբեջանի տարածքում գործում են իսրայելական զանազան ուժեր, որոնք ըստ էության վտանգ են ներկայացնում նաև Իրանի օդային տարածքի նկատմամբ»,- ասաց նա՝ անդրադառնալով Իրանի`Ադրբեջանի և Թուրքիայի հետ սահմանին ՀՕՊ ուժերի զորավարժություններ անցկացնելու հայտարարությանը։։

Իրանագետի խոսքով` արցախյան պատերազմի ընթացքում որոշ անօդաչու թռչող սարքեր հայտնվեցին իրանական կողմում, որոնք Իրանը ոչնչացրեց, մյուս կողմից` Թուրքիայում անօդաչու թռչող սարքերի զարգացման ռազմավարությունը Իրանին մտահոգվելու տեղիք է տալիս։

«Իրանցիները այդ ռազմական մանևրներով փորձում են համարժեք պատասխանել նաև այդ խնդրին. մի կողմից Ադրբեջանում իսրայելական ներկայությունը, մյուս կողմից՝ Թուրքիայի անօդաչուների խնդիրն իրանցիներին մղում է իրականացնել հակաօդային պաշտպանության միջոցառումներ սեփական տարածքն ապահովագրելու նպատակով»,- նշեց Ոսկանյանը։

Անդրադառնալով Ռուսաստանի և Թուրքիայի արգործնախարարների՝ Սոչիում կայացած հանդիպմանը, որտեղ կողմերը քննարկել են վարձկան ահաբեկիչների խնդիրը, քաղաքագետը նշեց, որ նախաձեռնությունը բխում է ռուսական կողմի շահերից, թեպետ, Անկարան հազիվ թե հրաժարվի վարձկաններից, որոնց Թուրքիան օգտագործել և օգտագործում է Սիրիայում, Լիբիայում և Արցախում իր համար կենսական նշանակություն ունեցող խնդիրներ լուծելու համար։

Իրանում ՀՀ դեսպանը և ԻԻՀ անվտանգության խորհրդի քարտուղարը քննարկել են տարածաշրջանի հարցերը

Հիշեցնենք`դեկտեմբերի 29-ին իրանական Azariha-ն հաղորդել էր, որ Իրանը հակաօդային պաշտպանության զորքերի վարժանքներ կանցկացնի երկրի հյուսիս-արևմուտքում:

Ըստ թեմայի

Հայաստանն ու Իրանը մտադիր են դեղերի և բժշկական սարքերի միասնական արտադրություն սկսել
Իրան-Հայաստան գազամուղը կշահագործվի լիարժեք կարողությամբ. ՀՀ պատվիրակությունն Իրանում էր
Արա Այվազյանն ու Իրանի արտգործնախարարը մի շարք հարցեր են քննարկել հեռախոսով
թեգերը:
Վարդան Ոսկանյան, Զորավարժություններ, Իրանի Իսլամական Հանրապետություն, Արցախյան պատերազմ

Գլխավոր թեմաներ