08:59 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95

Ադրբեջանցիները եկել են Քարահունջի ՀԷԿ և տնօրենին ասել` այլևս այնտեղ չմտնի. Լուսինե Ավետյան

ՌԱԴԻՈ
Ստանալ կարճ հղումը
123010

Գորիս համայնքի Քարահունջ գյուղի 30 հա գյուղնշանակության հողերը փոխանցվում են Ադրբեջանին։ Sputnik Արմենիան զրուցել է Քարահունջի գյուղապետ Լուսինե Ավետյանի հետ։

«Ադրբեջանցիները եկել են Քարահունջի ՀԷԿ և տնօրենին ասել, որ այնտեղ այլևս չմտնի». Լուսինե Ավետյան

Լուսինե Ավետյանը տեղեկացրեց, որ տարածքները դեռ չեն անցել Ադրբեջանի ենթակայության տակ, որևէ կառույց հստակ որևէ բան չի ասում, և գյուղապետարանը չի մասնակցում Սյունիքի մարզում ստեղծված և սահմանազատման հարցերով զբաղվող հանձնաժողովի աշխատանքներին։

«Պարզապես GPS համակարգի նշագրումները ցույց են տալիս, որ տարածքներն անցնում են Ադրբեջանին, և մեզ ասում են, որ այդպես էլ լինելու է, բայց մենք պայքարում ենք, որ մեզ մասնակից դարձնեն սահմանազատման գործընթացին, քանի որ խորհրդային տարիներին այդ հատվածը փոխանակվել է մի ուրիշ հատվածի հետ, և հիմա այն այգիները, որոնք անցնում են Ադրբեջանին, իրականում մերն են»,– Sputnik Արմենիային ասաց Քարահունջի գյուղապետը։

Ավետյանի տեղեկացմամբ` ադրբեջանցիները եկել են նաև Քարահունջի ՀԷԿ–ի տարածք և տնօրենին ասել, որ այնտեղ այլևս չմտնի, իսկ Սյունիքի մարզպետարանի հանձնաժողովից գյուղապետարանին հորդորել են գույքագրում անել, թե որքան հողեր են անցնում Ադրբեջանին, ինչպես նաև հավաքագրել բնակիչների անուններն ու սեփականության վկայականները։

«Հերթը մեզ չի հասել, որովհետև դեռ Շուռնուխին ու Որոտանին են ժամանակ տվել։ Բնականաբար, մենք նույնպես կպաշտպանվենք, եթե դրա կարիքը լինի, սակայն հիմա անորոշ վիճակ է, դեռ չգիտենք` ինչ անենք, բայց մեր տարեցներն ասում են, որ այդ հողերը ժամանակին փոխանակվել են։ Ժամանակին հողատարածքների փոխանակման աշխատանքներին մասնակցել է Վլադիմիր Մովսիսյանը։ Եվ հիմա ցավալի է, որ մեր մարզպետարանի հանձնաժողովի աշխատանքներում ներգրավված չեն համայնքների ներկայացուցիչները»,– նշեց Քարահունջի գյուղապետը։

Ավետյանը պատկան մարմիններին խորհուրդ տվեց լավ տնտղել հանրապետական արխիվներն ու գտնել խորհրդային շրջանի քարտեզը, որն իսկապես հավաստում է, որ վիճահարույց հողատարածքները պատկանում են Քարահունջին, և այդտեղ կառուցված շինություններում խորհրդային տարիներին նույնիսկ իրականացվել են շինաշխատանքներ։

Գորիս համայնքի ղեկավարի տեղակալ Մենուա Հովսեփյանն այսօր Sputnik Արմենիային հայտնել էր, որ Քարահունջ գյուղի 30 հա գյուղնշանակության հողերը հանձնվում են Ադրբեջանին։

Ըստ թեմայի

Կապանի քաղաքապետը սահմանների դեմարկացիայի որևէ փաստաթուղթ չի տեսել
Սիրողական, փնթի և ոչ շահավետ լուծումներ. նախկին նախարարը` սահմանային գծանշումների մասին
Ադրբեջանը վերադարձրել է նաև մեկ զոհվածի մարմին
թեգերը:
Քարահունջ, Ադրբեջան, Հայաստան

Գլխավոր թեմաներ