14:50 02 մարտի 2021
Ուղիղ եթեր
  • USD528.37
  • GBP736.92
  • EUR636.10
  • RUB7.13

Ինչ գին ենք վճարելու Ադրբեջանը Թուրքիային կապող Նախիջևանի միջանցքի դիմաց

ՌԱԴԻՈ
Ստանալ կարճ հղումը
1066 0 0

Ադրբեջանն ու Թուրքիան կանգնած են իրենց 100-ամյա երազանքը կյանքի կոչելու` 2 երկրներն իրար կապող ցամաքային ճանապարհ կառուցելու շեմին, մինչդեռ Հայաստանի իշխանությունները ոչինչ չեն անում այդ վտանգավոր միջանցքի կառուցմանը խոչընդոտելու համար։

Նախիջևանի միջանցքը թյուրքական աշխարհի հարյուրամյա երազանքն է. թուրքագետ Ռուբեն Մելքոնյանը` Ալիևի հայտարարության մասին

Ո'չ պատերազմից առաջ, ո'չ էլ դրանից հետո Ադրբեջանն ու Թուրքիան չեն թաքցնում, որ Նախիջևանի միջանցքի կառուցումն ադրբեջանա-թուրքական տանդեմի համար ունի կարևորագույն նշանակություն։ Նոր միջանցքը երկու երկրներին հնարավորություն կտա առնվազն 3`քաղաքական, տնտեսական և սիմվոլիկ խնդիրներ լուծել։ Sputnik Արմենիայի հետ զրույցում նման կարծիք հայտնեց թուրքագետ Ռուբեն Մելքոնյանը։

«Այդ միջանցքը թյուրքական աշխարհի, Թուրքիայի և Ադրբեջանի հարյուրամյա երազանքն է, դեռևս անցյալ դարի 1920-ական թվականներին այդ գաղափարը նրանց համար եղել է ամենակարևորը` Թուրքիան Ադրբեջանի հետ ցամաքով կապելը համարվել է մեծագույն խնդիր»,- ասաց նա։

Նրա խոսքով` խորհրդային և հետխորհրդային տարիներին Հայաստանի բոլոր իշխանություններն ամեն ինչ արել են, որ խոչընդոտեն Մեղրիում Ադրբեջանին տարածք տրամադրելու և Ադրբեջանի հավակնությունները սաստելու համար, մինչդեռ օրվա իշխանությունները չկարողացան պահել ոչ միայն Արցախ աշխարհի մի մասը, այլև վտանգի շեմին հասցրին Հայաստանի ինքնիշխան տարածքը։

«Հայաստանը և կոնկրետ Զանգեզուրը նրանք համարում էին անիծյալ սեպ, որը խրված է երկու երկրների` Թուրքիայի և Ադրբեջանի միջև։ Սրանք զուտ կապրիզներ չեն, սրանք շատ կարևոր աշխարհաքաղաքական խնդիրներ են պարունակում, որ այս իշխանությունները չկարողացան գիտակցել և հեշտությամբ զիջեցին»,- նշեց թուրքագետը։

Մելքոնյանի կարծիքով`նոր միջանցքը որևէ կարգավիճակ կստանա, որի նկատմամբ Ադրբեջանը կունենա առանձնահատուկ իրավունքներ և կշրջանցի նաև Հայաստանի ինքնիշխանությունը։

Հիշեցնենք` Ադրբեջանի նախագահ Իլհամ Ալիևն այսօր հայտարարել է Նախիջևանի միջանցքի բացմանն ուղղված կոնկրետ աշխատանքների մասին, որից կկարողանան օգտվել Ռուսաստանը, Թուրքիան, Հայաստանն ու Իրանը։

Առանց մեկնաբանության. Պեսկովը` Նախիջևանից Ադրբեջան տրանսպորտային միջանցք բացելու մասին

Ըստ թեմայի

Թուրքիան ամեն կերպ ցանկանում է Նախիջևանը ցամաքային ճանապարհով միացնել Ադրբեջանին. փորձագետ
Սա սուվերեն միջանցք էլ չէ, սա մեր տարածքն է. «Իմ քայլը»՝ Սյունիք-Նախիջևան ճանապարհի մասին
Մեզ երաշխիքներ են պետք. Ադրբեջան - Նախիջևան ճանապարհը մեղրեցիների մոտ հարցեր է առաջացրել
թեգերը:
Թուրքիա, Հայաստան, Ադրբեջան, Նախիջևան, Ռուբեն Մելքոնյան (թուրքագետ)

Գլխավոր թեմաներ