09:47 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73

Աշխարհաքաղաքական գործոններն են որոշիչ. Բաբայանը` Արցախի միջազգային ճանաչման մասին

ՌԱԴԻՈ
Ստանալ կարճ հղումը
19210

Արցախի ճանաչման գործընթացը ինչպե՞ս տեղափոխել նոր հարթություն, արդյոք պատերազմի հետևանքները կարագացնեն ճանաչման գործընթացը, թե կարող են հակառակը ազդեցությունն ունենալ։ Այս և այլ հարցերի շուրջ Sputnik Արմենիայի եթերում զրուցել ենք ԱՀ արտգործնախարար Դավիթ Բաբայանի հետ։

Մենք չենք հրաժարվելու ճանաչման գործընթացից. Դավիթ Բաբայանը` Արցախի կարգավիճակի մասին

Արցախի կարգավիճակի միջազգային ճանաչման հարցը տևական ժամանակ և մեծ ջանքեր է պահանջում։ Այն պայմանավորված է բազմաթիվ օբյեկտիվ և սուբյեկտիվ գործոններով։ Sputnik Արմենիայի հետ զրույցում նման կարծիք հայտնեց ԱՀ արտգործնախարար Դավիթ Բաբայանը։

«Այս պահի դրությամբ կարգավիճակի կարևոր ուղղություններից մեկը մեր սուբյեկտայնության պահպանումն է, սկզբում պահպանումը, այնուհետև ուժեղացումը։ Սա դե ֆակտո ճանաչման կարևոր ուղղություններից է»,- ասաց նա։
Բաբայանի խոսքով` տարածաշրջանում որպես սուբյեկտ, որպես աշխարհաքաղաքական գործոն մնալու համար առաջնահերթ պետք է ջանքեր գործադրել Արցախի դե ֆակտո ճանաչման ուղղությամբ, որին կհաջորդի դե յուրե ճանաչումը։

«Ես միշտ ասել եմ դե յուրե ճանաչումը ո՛չ բարոյական կատեգորիա է, ո՛չ էլ իրավական։ Դրանք սովորաբար որոշիչ դեր չեն ունենում, աշխարհաքաղաքական գործոններն են որոշիչ, չնայած այստեղ էլ մենք պետք է ունենանք փաստարկներ։ Մենք չենք հրաժարվելու ճանաչման գործընթացից»,- նշեց Բաբայանը։

Հայաստանի կողմից Արցախի անկախության ճանաչման հարցը մշտապես եղել և մնում է օրակարգում, բայց, ըստ Բաբայանի, պետք է իրատես լինել. մեծ քաղաքականությունը շատ բարդ տիրույթ է, որտեղ ցանկացած անմիտ և զգացմունքային քայլ կարող է ճակատագրական և անդառնալի հետևանքներ ունենալ։

«Պետք է շատ լավ մտածենք և տարբեր տեսանկյուններից դիտարկենք այդ հարցը, որ հանկարծ հետո ավելի մեծ խնդիր չառաջանա։ Մեզ համար շատ ավելի կարևոր է, որ այլ երկրները ճանաչեն Արցախի անկախությունը»,- հավելեց պաշտոնյան։

Նշենք, որ օրերս ՌԴ արտաքին գործերի նախարար Սերգեյ Լավրովը, անդրադառնալով Արցախի կարգավիճակի խնդրին, նշել էր, որ այն շատ ցավոտ հարց է, որի շուրջ կողմերն ունեն հակասական մոտեցումներ, այդ իսկ պատճառով քննարկումները հետաձգվել են։

Ադրբեջանցիներին կարելի է, մեզ` չէ՞. արցախցիների բողոքի ակցիայի հետքերով

թեգերը:
Արցախ, Դավիթ Բաբայան

Գլխավոր թեմաներ