03:35 07 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03

Խաղաքարտերը փոխվում են. քաղաքագետը` Ռոբերտ Քոչարյանի` ընտրություններին մասնակցելու մասին

ՌԱԴԻՈ
Ստանալ կարճ հղումը
466 0 0

Ի՞նչ շանսեր ունի Ռոբերտ Քոչարյանն առաջիկա ընտրություններում և ի՞նչ է փոխվել հայաստանյան ներքաղաքական դաշտում ՀՀ երկրորդ նախագահի հայտարարությունից հետո. Sputnik Արմենիայի եթերում հարցերը քննարկել ենք քաղաքագետ Սուրեն Սուրենյանցի հետ։

«Քոչարյանը հասարակության հետ երկխոսության խնդիր ունի». Սուրենյանց

Ռոբերտ Քոչարյանի` քաղաքական պայքարի մեջ մտնելու հայտարարությունը կարևոր մեսիջ էր։ Այն մի կողմից խոսում է այն մասին, որ 17-ի ֆորմատը կամ «Հայրենիքի փրկության շարժումը» այլևս սպառել է իրեն, մյուս կողմից` քաղաքական դաշտում որակապես նոր իրավիճակ է թելադրում։ Sputnik Արմենիայի հետ զրույցում նման կարծիք հայտնեց քաղաքագետ Սուրեն Սուրենյանցը։

«Այն կառավարման համակարգը, որը կար 1998-2008 թթ, ռեստավրացվել չի կարող։ Այսինքն, եթե անգամ տեսականորեն ընդունենք, որ Ռոբերտ Քոչարյանն ու նրա թիմն առաջիկա ընտրություններում հաջողեն էլ, դա չի լինելու հնի ավտոմատ վերարտադրություն, ուղղակի հնարավոր չէ,»,- ասաց նա։

Հասարակության մեծամասնությունը, սակայն, ըստ Սուրենյանցի,  այս պահին պատրաստ չէ Քոչարյանի և նրա թիմի վերադարձին, նախկին նախագահը հասարակության հետ երկխոսության խնդիր ունի։

«Քոչարյանի և նրա թիմի առաջնային առաքելությունն այս փուլում պետք է լինի հասարակության հետ երկխոսությունը որպեսզի նրանք կարողանան գտնել այն նիշը կամ այն քաղաքական հարթակը, որի միջոցով կարող են իրենց քաղաքական հեղինակությունն ապահովել»,- նշեց նա։

Նրա խոսքով` հեղափոխական զարգացումները կամ փողոցի պայքարն այլևս դուրս են օրակարգից և քաղաքական ուժերն ուշադրությունը սևեռելու են արտահերթ ընտրությունների վրա, որտեղ կմրցեն գործող իշխանության, երկրորդ նախագահի թիմերը, ինչպես նաև երրորդ ուժեր, որոնք հանդես կգան թե՛ գործող իշխանության, թե՛ Ռոբերտ Քոչարյանի թիմի դեմ։

Քաղաքագետը դժվարանում է Քոչարյանի շանսերի մասին կանխատեսումներ անել, իսկ ահա գործող իշխանության հարցում ամեն ինչ պարզ է։ 

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

 «Եթե նույնիսկ Ռոբերտ Քոչարյանը չմասնակցի ընտրություններին, ես իրական չեմ համարում ընտրությունների միջոցով գործող իշխանության վերարտադրության հնարավորությունը։ Բայց պատկերը փոխվում է, և հիմա ամեն ինչ կախված է նրանից, թե ինչպիսի քաղաքական խճանկար կունենանք»,- հավելեց քաղաքագետը։ 

Հիշեցնենք, որ երեկ` հունվարի 27-ի,ն հայաստանյան մի քանի կայքերին տված հարցազրույցում ՀՀ երկրորդ նախագահ Ռոբերտ Քոչարյանը հայտարարեց, որ ինքը և իր քաղաքական թիմը մասնակցելու են արտահերթ ընտրություններին և «կրելու» են։

Ըստ թեմայի

Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Արցախում ամեն օր նոր տարածքային կորուստներ են գրանցվում. Քոչարյան
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան
թեգերը:
Նիկոլ Փաշինյան, Ռոբերտ Քոչարյան, Ազգային ժողովի ընտրություններ, Ընտրություններ, Հայաստան

Գլխավոր թեմաներ