22:28 04 մարտի 2021
Ուղիղ եթեր
  • USD524.98
  • GBP731.19
  • EUR631.71
  • RUB7.11

Անհրաժեշտ են այնպիսի մեխանիզմներ, որ բացառվի կանեփի հանցավոր շրջանառությունը

ՌԱԴԻՈ
Ստանալ կարճ հղումը
67 0 0

ՀՀ ոստիկանապետի նախկին տեղակալ Հովհաննես Քոչարյանը Sputnik Արմենիայի եթերում անդրադարձել է կառավարության նախաձեռնությանը, ըստ որի` Հայաստանում կաճեցվի արդյունաբերական կանեփ։

Քոչարյան. «Արտադրական կանեփին առնչվող նախագիծը պետք է անցնի լուրջ քրեաբանական փորձաքննություն»

Հովհաննես Քոչարյանի դիտարկմամբ` նախ պետք է հասկանալ, թե ինչ է նշանակում արդյունաբերական կանեփ, եթե այդ հասկացությունը ենթադրում է հսկողության այնպիսի մեխանիզմներ, որոնց շնորհիվ կբացառվի կանեփի հանցավոր շրջանառությունը, այսինքն` հնարավոր չի լինի ոչ արդյունաբերական նպատակներով կանեփի շրջանառությունը, գուցե դրանից տնտեսական օգուտ կլինի։

«Բայց քանի որ ես կանեփի և կանեփանմանների նկատմամբ ունեմ ներքին շատ բացասական վերաբերմունք որպես հանցավորությանը նպաստող պայման, հետևաբար կարծում եմ, որ այդ նախագիծը պետք է անցնի բավականին լուրջ քրեաբանական փորձաքննություն, և այդ եզրակացության հիման վրա կառավարությունը նոր պետք է ընդունի որոշում»,– նշեց ՀՀ ոստիկանապետի նախկին տեղակալը։

Կանեփ
© Photo : Пресс-служба Пограничного управления ФСБ России в Республике Армения

Քրեաբանական փորձաքննություն ասելով Քոչարյանը նկատի ունի այն, որ սկզբունքորեն պետք է բացառվի տվյալ բույսի հետ կապված ապօրինի շրջանառության հնարավորությունները։

«Արդյունաբերական կանեփ աճեցնելու համար անհրաժեշտ է մասնագիտական լրջագույն հիմնավորում, ապա նոր հետո որոշվի` դա տնտեսական օգուտի հետ համարժե՞ք է, թե՞ ոչ»,– նշեց ՀՀ ոստիկանապետի նախկին տեղակալը։

Քոչարյանը հիշեցրեց այն հանգամանքը, որ ՀՀ կառավարությունը դեռ 2003 թվականին որոշում է կայացրել, որի համաձայն` կանեփ բույսի բոլոր տեսակների շրջանառությունը ՀՀ տարածքում արգելված է, և ինքն այդ որոշման ընդունման հարցում ունեցել է որոշակի մասնագիտական ներդրում, քանզի այդ տարիներին աշխատում էր ոստիկանությունում։

Քոչարյանի խոսքով` սահմանափակումների խիստ ռեժիմը պայմանավորված էր վերոհիշյալ մտահոգություններով, հետևաբար ընդգծեց, որ արդյունաբերական կանեփ աճեցնելու պարագայում կառաջանա նաև օրենսդրական փոփոխությունների կարիք, որովհետև ոլորտը կարգավորվում է հատուկ օրենքով, որը վերաբերում է թմրամիջոցների ապօրինի շրջանառության կանխարգելման հարցերին և դրանում արձանագրված է նաև, թե թմրամիջոցների լեգալ շրջանառությունը որ դեպքերում է հնարավոր։ 

«Արդյունաբերական տերմինն ինձ ծանոթ չէ, դրա տակ պետք է դրվի կոնկրետ գաղափար, և լավ կլինի, որ պետությունն էլ հենց իր վերահսկողության տակ անմիջապես պահի ոլորտի նկատմամբ կարգավորումները, որպեսզի բացասական հետևանքներ չլինեն, այսինքն` պետք չէ գայթակղվել տնտեսական էֆեկտով, որպեսզի հոնքը սարքելու տեղը աչքը չհանենք»,– նշեց ՀՀ ոստիկանապետի նախկին տեղակալը։ 

«Կանեփ-կակաչ - 2020». տնամերձ 5 հողամասից 405 բույս են գտել

Հիշեցնենք, որ կառավարության կազմած գործողությունների պլանը բաղկացած է 12 նպատակային և 14 աջակցության ծրագրերից։ Օրինակ` գյուղատնտեսության ոլորտում, փոխվարչապետ Տիգրան Ավինյանի խոսքով, կառավարությունը որոշել է ավելացնել բարձր արժեք ստեղծող մշակաբույսերի աճեցումն ու վերամշակումը։

Ավինյանը վկայակոչել է կոնկրետ օրինակ՝ արդյունաբերական կանեփը, որի արտադրության դրական փորձն ունեն ՌԴ–ն, ԱՄՆ–ն, Չինաստանը, հետևաբար, ըստ նրա, Հայաստանում նույնպես կարգավորումների առումով դաշտը շատ արագ կստեղծվի։  

Ըստ թեմայի

Թմրանյութ՝ Գերմանիայից Հայաստան ուղարկված փոստային առաքանիում
Գավառի բնակիչն անչափահասներին թմրանյութ էր վաճառել. ոստիկանները բացահայտել են նրան
Ոստիկանները թմրանյութ պահելու կասկածանքով Երևանի մետրոյից բերման են ենթարկել 2 երիտասարդի
թեգերը:
տնտեսություն, նախագիծ, կանեփ

Գլխավոր թեմաներ