18:41 06 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03

Հրամանատարի զրահաբաճկոնը ոչ թե 2 սմ հաստությամբ մետաղն է, այլ իր անձնակազմը. Վարդանով

ՌԱԴԻՈ
Ստանալ կարճ հղումը
1559 0 0

Հետախույզ, ազատամարտիկ, հասարակական և ռազմական գործիչ Վովա Վարդանովը Sputnik Արմենիայի եթերում անդրադարձել է հայկական բանակի կառուցվածքային խնդիրներին։

Վարդանով. «Հրամանատարի զրահաբաճկոնը ոչ թե 2 սմ հաստությամբ մետաղն է, այլ իր անձնակազմը»

Վովա Վարդանովի դիտարկմամբ` արհեստավարժ զինվորական կարող է լինել դպրոցում լավ զինպատրաստություն սովորած երեխան, ժամկետային զինծառայողը նույնպես կարող է լինել արհեստավարժ։ Եվ հակառակը` ինչպես վերջին պատերազմական գործողությունները ցույց տվեցին, պայմանագրայինը կարող է բացարձակ ոչ մի ընդհանրություն չունենալ արհեստավարժության հետ։

«Եթե սպաները նորմալ, խելքը գլխին տղաներ են, եթե նույնիսկ մինչև այս պատերազմական վիճակն այդպիսին չէին, բայց հիմա խելքի են եկել, պետք է հասկանան, որ իրենց զրահաբաճկոնը ոչ թե մարմնին կպած 2 սմ հաստությամբ պլաստիկատն է կամ մետաղը, այլ բանակաշինության մեջ իրենց համապատասխան ներդրումը, այսինքն` զրահաբաճկոնն իրենց շրջապատող տղաներն են»,– նշեց ռազմական գործիչը։

Վարդանովի կարծիքով`հրամանատարի ձեռքում կան խոցելիությունը նվազեցնող գործիքներ, որոնց մի մասն իր անձնակազմն է, որն էլ ապահովում է անվտանգությունը։ Ըստ նրա` եթե սպան ավելի խելացի գտնվի ու շարունակ զբաղվի իր ղեկավարած ստորաբաժանման մարտունակությունը բարձրացնելով, ապա հենց այդ ստորաբաժանումն էլ կլինի պրոֆեսիոնալ` անկախ նրանից, թե ումից է բաղկացած` պայմանագրայիններից, թե նորակոչիկներից։

Հիշեցնենք` ավելի վաղ մամուլում և սոցցանցերում տեղեկություններ էին հայտնվել Արցախի Հանրապետության պաշտպանության բանակի կազմալուծման մասին: Արցախի ազգային անվտանգության խորհրդի քարտուղար Վիտալի Բալասանյանն ավելի ուշ հայտարարեց, որ Արցախի պետական մարմինները ներկայումս զբաղվում են պայմանագրային հիմունքներով պրոֆեսիոնալ ստորաբաժանումներ կազմավորելու հարցով։

Այնուհետև Արցախի նախագահ Արայիկ Հարությունյանը հանդես եկավ հայտարարությամբ՝ հերքելով պաշտպանության բանակի լուծարման լուրը։

Ըստ թեմայի

Արցախում մեկնարկել է ձմեռային զորակոչը
Ֆրանսիական ռազմական օգնությունը Հայաստանին. ի՞նչ է թաքնված դրա հետևում
թեգերը:
Վովա Վարդանով, Բանակ, Հայաստան

Գլխավոր թեմաներ