21:17 16 հունիսի 2021
Ուղիղ եթեր
  • USD514.87
  • GBP726.74
  • EUR624.18
  • RUB7.16

Թուրքական ապրանքների արգելք, թե ապաշրջափակում. կառավարության հակասական հայտարարությունները

ՌԱԴԻՈ
Ստանալ կարճ հղումը
109 0 0

Տնտեսագետ Թադևոս Ավետիսյանը Sputnik Արմենիայի եթերում խոսել է երկրում տնտեսական իրավիճակի, ներդրումների պակասի և թուրքական ապրանքների արգելքի շուրջ ստեղծված իրավիճակից։

Թուրքական ապրանքների արգելքն ու ապաշրջափակումը. Ավետիսյանը` կառավարության հակասական հայտարարությունների մասին

Գործող իշխանությունները վերջին 2 տարիներին ամեն ինչ արել են, որ մեր երկրից կապիտալն ուղղակի փախչի։ Sputnik Արմենիայի հետ զրույցում նման կարծիք հայտնեց տնտեսագետ Թադևոս Ավետիսյանը։

Որպես փաստարկ Ավետիսյանը վկայակոչում է 2020 թվականին մեր երկրում օտարերկրյա ներդրումների ցուցանիշը, որը 2019-ի համեմատ կրճատվել է մոտ 123 անգամ` 38.1 միլիարդից հասնելով 311 միլիոն դրամի։

«Գրեթե զրոյական զուտ ներհոսք ենք ունեցել օտարերկրյա ուղղակի ներդրումների, մոտ 3 անգամ էլ կրճատվել են ընդհանուր ներդրումները, այդ թվում` պորտֆելային ներդրումները։ Ներքին ներդրումները ևս նվազել են»,- ասաց նա։

Նրա խոսքով` 2019-ին ևս ներդրումներն էապես կրճատվել են։ Եվ այսպիսի իրավիճակում, երբ էկոնոմիկայի գործող նախարարը հունվարի սկզբին խոսում էր միլիարդավոր դոլարների ներդրումների մասին, հույսը դրել էր թուրքական կապիտալի և տարածքների ապաշրջափակման վրա։ 

Ու դրան զուգահեռ, կառավարությունը շարունակում է հակասական հայտարարություններ անել. մե՛կ որոշում են, որ թուրքական ապրանքների մուտքը Հայաստան արգելել, մե՛կ հայտարարում տարածքների ապաշրջափակման մասին։ 

«Ասում էին, որ Թուրքիայի և Ադրբեջանի հետ մեր տնտեսական սերտաճումը կբերի նաև կյանքի որակի բարելավմանն ու տնտեսության զարգացմանը, հիմա էլ խոսում են թուրքական ապրանքների արգելքը շարունակելու մասին»,- նշեց Ավետիսյանը։ 

Թուրքական TRT1-ը ներկայացրել է Հայաստանի վրա ազդեցությունն ընդլայնելու կանխատեսումը

Հիշեցնենք, որ ՀՀ էկոնոմիկայի նախարար Վահան Քերոբյանը ԱԺ-ում կառավարության հետ հարցուպատասխանի ժամանակ ևս մեկ անգամ հայտարարեց, որ կառավարությունը թուրքական ապրանքների ներկրման արգելքը ևս մեկ անգամ կերկարաձգի` տեղի տնտեսվարողներին հնարավորություն տալով վերադասավորվել և ներդրումներ անել։

2020թ.-ին ընդունված որոշմամբ` Հայաստանում թուրքական ապրանքների 6-ամսյա արգելքն ուժի մեջ է մտել 2021թ–ի հունվարի 1-ից։

Ըստ թեմայի

Ռազմական ծախսերը պարտքո՞վ են արել. ինչու է աճում պետական պարտքն ըստ տնտեսագետի
Հայաստանի տնտեսությունը հետճգնաժամային վերականգնման առաջին նշաններն է ցուցադրում. Փաշինյան
ԵԱՏՄ–ն Իրանին ընձեռում է տնտեսական քաղաքականության հնարավորություն Չինաստանի ուղղությամբ
թեգերը:
ապրանքանիշ, Թուրքիա, Ներդրում, տնտեսություն, Հայաստան

Գլխավոր թեմաներ