11:21 16 ապրիլի 2021
Ուղիղ եթեր
  • USD521.20
  • GBP718.58
  • EUR624.29
  • RUB6.79

Չեմ կարծում, որ իշխող ուժը կկարողանա 2018–ի ցուցանիշներին հավակնել. իմքայլական պատգամավոր

ՌԱԴԻՈ
Ստանալ կարճ հղումը
211 0 0

ԱԺ «Իմ քայլը» խմբակցության պատգամավոր Տաթև Հայրապետյանը Sputnik Արմենիայի եթերում անդրադարձել է հունիսի 20–ին կայանալիք արտահերթ խորհրդարանական ընտրություններին, այդ ընտրություններում իշխանության հնարավորություններին և Ընտրական օրենսգրքի փոփոխության հարցին։ 

Հայրապետյան. «Այս արտահերթ խորհրդարանական ընտրությունները կդառնան կարևոր մեկնակետ»

Տաթև Հայրապետյանի դիտարկմամբ` քաղաքացիների նկատմամբ պետք է ազնիվ լինել անկախ քաղաքական հայացքներից և ներկայացնել, որ ստեղծվել է նոր իրավիճակ, նոր միջավայր` իր բոլոր մարտահրավերներով ու որոշակի հնարավորություններով։

Ըստ նրա` քաղաքական ուժերն այս իրավիճակում չեն կարող շարունակել իրենց գործունեությունը նախորդ ծրագրերով և նախկին խոստումներով, հետևաբար նպատակահարմար է, որ յուրաքանչյուր քաղաքական ուժ ներկայացնի, թե ինչ տեսլական ու ինչ ապագա է խոստանում հանրությանն առաջիկա հինգ տարիների ընթացքում։ 

«Հույս ունեմ, որ այս արտահերթ խորհրդարանական ընտրությունները կարևոր մեկնակետ կդառնան` ընդհանուր առմամբ վերաաիմաստավորելու անկախության վերջին երեսուն տարիների պատմությունը, մեր սխալ և ճիշտ քայլերը, թե ինչպես պետք է առաջ շարժվել նոր սխալներից խուսափելու համար և երկիրն ավելի կայուն, երկարաժամկետ զարգացման ուղով տանելու համար»,– նշեց ԱԺ «Իմ քայլը» խմբակցության պատգամավորը։

Կանխատեսելի Հայաստանը. ինչու ընդդիմությունը չի կարողանում հասնել Փաշինյանի հրաժարականին

Հայրապետյանի կարծիքով` պետք է անկեղծ լինել և ասել, որ իշխանության և իշխող քաղաքական ուժի հանդեպ կա որոշակիորեն օբյեկտիվ դժգոհություն, որովհետև մենք անցել ենք շատ ծանր ժամանակահատվածով, երբ եղել են համավարակ ու պատերազմ, ուստի ստեղծվել է նոր իրավիճակ։ 

«Չեմ կարծում, որ իշխող քաղաքական ուժը կկարողանա 2018 թվականի հեղափոխությունից հետո ստեղծված իրավիճակով պայմանավորված ցուցանիշներին հավակնել։ Խորհրդարանը պետք է ավելի բազմաշերտ լինի և փոփոխությունների մեխանիզմն ավելի ինտենսիվորեն աշխատի։ Առաջիկա ընտրություններում մարդիկ ընտրելու են ոչ միայն իշխանություն, այլև ընդդիմություն, և ես շատ կուզեի, որ իրենց քվեով ապահովեին նաև ուժեղ ընդդիմության առկայությունը խորհրդարանում»,– նշեց ԱԺ «Իմ քայլը» խմբակցության պատգամավորը։

Հայրապետյանի տեղեկացմամբ` Ընտրական օրենսգրքի փոփոխության առթիվ բանակցություններ են ընթանում խորհրդարանական  խմբակցությունների և արտախորհրդարանական ուժերի միջև, թե ինչպիսի խաղի կանոններ պետք է սահմանվեն, բայց «Լուսավոր Հայաստանի» ղեկավար Էդմոն Մարուքյանն արդեն հայտարարել է, որ երբ մտնում ես խաղի մեջ, խաղի կեսից կանոնները փոխել չի կարելի։

Ըստ Հայրապետյանի` Ընտրական օրենսգիրքը պետք է ընդունվի առավելագույն կոնսենսուսով, որովհետև դա խաղի կանոնների սահմանում է բոլորի համար։ 

Կան խաղի կանոններ, դրանցով պետք է բոլորս նախապատրաստվենք ընտրություններին. Էդմոն Մարուքյան

Ըստ թեմայի

Առաջին հերթին Բաքվի շահերից է բխում. Հայրապետյանը` բանակցային գործընթացի վերսկսման մասին
Իշխանության յուրացո՞ւմ, թե՞ խորհրդարանական ժողովրդավարություն. ԱԺ-ի որոշման գնահատականները
«Մենք մի քանի ուղղությամբ կատարել ենք սխալ հաշվարկներ». իմքայլական պատգամավոր
թեգերը:
«Իմ քայլը» խմբակցություն, Հայաստան, ընդդիմություն, Պատգամավոր, Տաթև Հայրապետյան

Գլխավոր թեմաներ