17:40 13 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73

Լրագրողական կազմակերպությունների մտահոգությունները տեղին են. Գեղամ Մանուկյան

ՌԱԴԻՈ
Ստանալ կարճ հղումը
48 0 0

«Երկիր Մեդիա» հեռուստաընկերության լրատվական և քաղաքական հաղորդումների տնօրեն Գեղամ Մանուկյանը Sputnik Արմենիայի եթերում անդրադարձել է ԱԺ–ի կողմից ընդունված օրենքին, որով եռապատկվում է վիրավորանքի և զրպարտության համար նախատեսվող դրամական փոխհատուցումը։ 

«Լրագրողը կաշկանդվելու է ու կասկածի, որ հրապարակմանը հաջորդելու է դատական գործը». Գեղամ Մանուկյանը` ընդունված նախագծի մասին

Գեղամ Մանուկյանի դիտարկմամբ` մեծ թվով լրագրողական կազմակերպություններ արդեն իսկ հանդես են եկել հայտարարությամբ։ Նրանց բոլոր մտահոգությունները տեղին են, որովհետև տարիներ առաջ, երբ զրպարտությունը ապաքրեականացվեց, դա համարվեց ընդհանուր լրագրողական հանրության, քաղաքացիական հասարակության հաջողությունը, և որևէ մեկն այդ պահին չէր մտածի, որ «քաղաքացիական հասարակություն» ասվածի շատ անդամներ, որոնք այսօր հայտվել են ԱԺ–ում, լուռ, հնազանդ կքվեարկեն նման անիմաստ խստացնող օրենքի նախագծի օգտին։

«Հատկանշական է նաև, որ այդ օրենքի փոփոխությունը նախաձեռնել էին և դրան աջակցում էին մարդիկ, պատգամավորներ, որոնցից շատ-շատերի օգնականները շուրջ երեք տարի զբաղված են նույն զրպարտությամբ, նույն վատաբանումով, ֆեյքային գրոհներով, ֆեյքերի բանակ պահելով, ուստի տեղին է հիշեցնել հայտնի ժողովրդական խոսքը, երբ գողն ասում է՝ բռնեք գողին»,– նշեց «Երկիր Մեդիա» հեռուստաընկերության լրատվական և քաղաքական հաղորդումների տնօրենը։

Անդրադառնալով այն հարցին, թե վերոհիշյալ օրենքը կոնկրետ ինչ բացասական ազդեցություն կարող է ունենալ լրատվամիջոցների աշխատանքի վրա, Մանուկյանը նշեց, որ շատ հաճախ քաղաքական գործիչների հայտարարությունները, սոցցանցային գրառումները դժվար կլինի օգտագործել, որովհետև լրագրողն ամեն անգամ կաշկանդվելու է ու կասկածի, որ դրան հաջորդելու է դատական գործը։

Մանուկյանի կարծիքով` երկրորդ հանգամանքը նյութական հսկայական բեռն է, որ կուտակվելու է լրատվամիջոցների վրա և երրորդ` դատական գործերի թիվն է աճելու։ 

Վիրավորանքի համար` 3, զրպարտության համար՝ 6 մլն. Ալեն Սիմոնյանը վերանայել է իր նախագիծը

Հիշեցնենք, որ մարտի 24-ին Ազգային ժողովը երկրորդ ընթերցմամբ և ամբողջությամբ ընդունեց «ՀՀ քաղաքացիական օրենսգրքում փոփոխություններ կատարելու մասին» օրենքի նախագիծը՝ եռապատկելով վիրավորանքի և զրպարտության համար նախատեսվող դրամական փոխհատուցումը. վիրավորանքի համար՝ գործող 1 միլիոնի փոխարեն մինչև 3 միլիոն դրամ տուգանք, իսկ զրպարտության պարագայում՝ 2 միլիոն դրամի փոխարեն՝ մինչև 6 միլիոն դրամ։

Ըստ թեմայի

Լրագրողական ՀԿ-ները դատապարտում են ԶԼՄ-ների ներկայացուցիչների նկատմամբ հարձակումները
ԱԱԾ-ն ընդդեմ ԶԼՄ–ների. ո՞րն է ավելի անընդունելի` ֆիզիկակա՞ն, թե՞ բարոյական բռնությունը
Խայտառակ օրենք է. ժուռնալիստների միությունը դիմել է Արմեն Սարգսյանին ու Արման Թաթոյանին
թեգերը:
Գեղամ Մանուկյան, Լրագրող, Օրենք, զրպարտություն

Գլխավոր թեմաներ