21:50 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90

Ի՞նչ կլինի, եթե նախագահը չստորագրի Բարձրագույն կրթության մասին օրենքը. իրավագետի տեսակետը

ՌԱԴԻՈ
Ստանալ կարճ հղումը
68 0 0

Իրավաբան Արսեն Հովհաննիսյանը Sputnik Արմենիայի եթերում պարզաբանել է Բարձրագույն կրթության մասին աղմկահարույց օրենքը վավերացնելու կամ Սահմանադրական դատարան ուղարկելու ընթացակարգը։

«Եթե նախագահը հրաժարվի Բարձրագույն կրթության մասին օրենքը ստորագրել, ԱԺ խոսնակը կարող է այն վավերացնել». իրավագետ

Սահմանադրության 129-րդ հոդվածը նախատեսում է հանրապետության նախագահի կողմից օրենքը 21-օրյա ժամկետում ստորագրելու և հրապարակելու ժամկետ։ Sputnik Արմենիայի հետ զրույցում ասաց իրավաբան Արսեն Հովհաննիսյանը` անդրադառնալով ՀՀ նախագահի կողմից «Բարձրագույն կրթության և գիտության մասին» օրենքը ստորագրել-չստորագրելու խնդրին։

Աղմկահարույց  օրենքը, որը գիտական հանրույթի շրջանակում բազմաթիվ քննադատությունների տեղիք է տվել, ԱԺ–ն ընդունել է մարտի 24-ին, Արմեն Սարգսյանը այն դեռ չի ստորագրել։ 

«21-օրյա ժամկետում հանրապետության նախագահը կարող է անել երկու գործողություն` ստորագրել օրենքը և հրապարակել, չստորագրել և դիմել ՍԴ` Սահմանադրության հետ օրենքի համապատասխանության հարցը որոշելու նպատակով»,- նշեց նա։

ՍԴ դիմելուց դեպքում, եթե բարձրագույն դատարանը որոշի, որ օրենքը համապատասխանում է Սահմանադրությանը, ապա հանրապետության նախագահը պետք է ստորագրի օրենքը` ՍԴ որոշումն ուժի մեջ մտնելուց հետո հնգօրյա ժամկետում։ Նրա խոսքով` եթե Արմեն Սարգսյանը չդիմի ՍԴ, կամ հրաժարվի այն ստորագրել` իրավակարգավորման բացը լրացնելու համար օրենքով սահմանված կարգով ԱԺ նախագահը կարող է այն վավերացնել։

«Ամեն դեպքում օրենքն ուժի մեջ մտնելու իրավական ընթացակարգ Սահմանադրությունը նախատեսում է։ ԱԺ նախագահը կարող է 21-օրյա ժամկետի ավարտից հետո հնգօրյա ժամկետում ստորագրել և հրապարակել օրենքը»,- պարզաբանեց Հովհաննիսյանը։

Բարձրագույն կրթության մասին օրենսդրական փաթեթն են քննարկել նախագահն ու ԿԳՄՍ նախարարը

Հիշեցնենք` մարտի 24-ին ԱԺ–ն ընդունեց «Բարձրագույն կրթության և գիտության մասին» աղմկահարույց օրենքի նախագիծը։ 

Գիտությունների ազգային ակադեմիան և Երևանի պետական համալսարանն ապրիլի 5-ին հայտարարություն են տարածել` նշելով, որ ԱԺ–ի ընդունած «Բարձրագույն կրթության և գիտության մասին» օրենքի որոշ դրույթներ հակասում են Սահմանադրությանը։ Երկու հեղինակավոր կառույցները կոչ են արել ՀՀ նախագահին չստորագրել օրենքը։

Ըստ թեմայի

ԱԺ–ն ընդունեց «Բարձրագույն կրթության ու գիտության մասին» աղմկահարույց օրենքը
Նախագահն ու ակադեմիայի տնօրենը քննարկել են բարձրագույն կրթության մասին օրենքը
Ի՞նչ կապ կարող է լինել ընտրությունների և բարձրագույն կրթության մասին նոր օրենքի միջև
թեգերը:
ԱԺ, Երևանի պետական համալսարան (ԵՊՀ), կրթություն, Օրենք, Հայաստան, Արմեն Սարգսյան

Գլխավոր թեմաներ