14:22 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90

Ադրբեջանցի պաշտոնյան փորձում է Հայաստանի ներքաղաքական լարվածությունը մեծացնել. Բաբայան

ՌԱԴԻՈ
Ստանալ կարճ հղումը
211 0 0

Արցախի արտաքին գործերի նախարար Դավիթ Բաբայանը Sputnik Արմենիայի եթերում խոսել է այսպես կոչված «Լեռնային Ղարաբաղի ադրբեջանական համայնք» ՀԿ ղեկավար Թուրալ Գանջալիևի հայտարարության նպատակների մասին։

Ամենամեծ վտանգը ներսում է. Բաբայանի արձագանքն ադրբեջանցի պատգամավորի հայտարարությանը

Ադրբեջանի խորհրդարանի պատգամավոր Թուրալ Գանջալիևի` Ստեփանակերտում գրասենյակ բացելու մասին հայտարարությունը ցնդաբանություն է, սակայն տողատակում այն որոշակի նպատակ է հետապնդում։ Sputnik Արմենիայի հետ զրույցում նման կարծիք հայտնեց Արցախի արտաքին գործերի նախարար Դավիթ Բաբայանը։ 

«Այսպիսի ցնորամիտ, անիրատեսական հայտարարությունները նպատակ ունեն աշխարհաքաղաքական, ներքաղաքական և հոգեբանական ոլորտներում Ադրբեջանի համար շահեկան արդյունքի հասնել»,- ասաց նա։

Բաբայանի խոսքով` ադրբեջանցի պաշտոնյան փորձում է հասարակության մեջ վհատություն սերմանել, Հայաստանի ներքաղաքական լարվածությունը մեծացնել, որ մարդիկ մասնավոր զրույցներում սկսեն ավելի շատ խոսել «թաքուն պայմանավորվածությունների» մասին, իսկ աշխարհաքաղաքական հարթությունում հայ-ռուսական հարաբերությունները թիրախավորել։

Գանջալիևը, ըստ Բաբայանի, պատահական մարդ չէ Ադրբեջանի քաղաքական տիրույթում. աշխարհաքաղաքական պայքարի հարուստ փորձ ունեցող Բաքվում նրան պատգամավոր են դարձրել, հատուկ պատրաստել, որ եվրոպական հարթակներում տարբեր միջոցառումների ժամանակ հակահայկական ելույթներ ունենա ու պաշտոնական Բաքվի տեսակետն առաջ տանի։

Արցախի արտաքին գործերի նախարարը վերահաստատում է Արցախի և արցախահայության դիրքորոշումը. այստեղ ոչ միայն չեն ճանաչում «ադրբեջանական համայնք» հասկացությունը, այլև այդպիսի շինծու հայտարարությունների մասին լսել անգամ չեն ուզում։ 

Միաժամանակ Բաբայանը կոչ է անում երբեք չկտրվել իրականությունից, ուշիուշով հետևել նենգ ու շատ լավ կազմակերպված թշնամու գործողություններին և զգուշանալ ներքին վտանգից։

«Ես չեմ համարում, որ Ադրբեջանն ու Թուրքիան ավելի մեծ վտանգ են, քան այն սարսափելի գաղափարները, որոնք տիրում են հայկական տիրույթում, որ մարդիկ ասում են Շուշին հայկական չէ, Քարվաճառը հայկական չէ, Ցեղասպանությունն ինչու պետք է ճանաչել, սա ավելի սարսափելի է, ավելի վտանգավոր»,- ընդգծեց նախարարը։

Ադրբեջանցիների սադրանքներն ուղղված են ռուս խաղաղապահների և ՌԴ–ի դեմ. Տիգրան Աբրահամյան

Հիշեցնենք` Ադրբեջանի խորհրդարանի պատգամավոր, այսպես կոչված «Լեռնային Ղարաբաղի ադրբեջանական համայնք» հասարակական կազմակերպության ղեկավար Թուրալ Գանջալիևը Թվիթերում գրել է, թե շուտով իր գրասենյակը գործելու է Ստեփանակերտում և, որ այժմ դիտարկվում է քաղաքում նոր օֆիսային տարածքի հնարավոր տեղակայման վայրը։

Ըստ թեմայի

Հայկական եկեղեցին ավերվել է Ադրբեջանի իշխանությունների որոշման արդյունքում. ԱԳՆ արձագանքը
Ադրբեջանը շարունակում է պատերազմել Արցախի մշակութային ժառանգության դեմ. Դավիթ Բաբայան
Թշնամուն գրկի մեջ խեղդելու արվեստը․ ի՞նչ խաղ են խաղում Ռուսաստանն ու Թուրքիան
թեգերը:
ադրբեջանցի, Ադրբեջան, քաղաքականություն, Հայաստան, Արցախ, Ստեփանակերտ, Դավիթ Բաբայան

Գլխավոր թեմաներ