Քանի դեռ Հայաստանը գտնվում է քաղաքական և տնտեսական տկարության մեջ, Ադրբեջանը փորձում է հնարավորինս շատ օգուտ քաղել դրանից։ Sputnik Արմենիայի հետ զրույցում նման կարծիք հայտնեց ՀՀ երկրորդ նախագահի արտաքին քաղաքական հարցերով խորհրդական Արամ Սարգսյանը` նշելով, որ Բաքվի բռնապետը հիմա էլ որոշել ԵԱՏՄ-ին անդամակցելու հայտ ներկայացնել։
«Թուրքալեզու պետություններից երևի թե միայն Ադրբեջանը և Ուզբեկստանը չեն ընդգրկվել ԵԱՏՄ կազմում, և նրանց նպատակը շատ պարզ է` միության կազմում մեծամասնություն կազմել»,- ասաց նա։
Սարգսյանի խոսքով` Հայաստանի գործող իշխանության թուլությունից է, որ Ադրբեջանի նկրտումներն օրեցօր ավելի են ընդլայնվում։ Նա մտավախություն ունի, որ գործող վարչապետն անգամ ԵԱՏՄ առաջիկա նիստում չի օգտվի վետոյի իր իրավունքից։
«Իհարկե մենք վետոյի իրավունք ունենք, բայց ես կասկածում եմ, որ նա այդպիսի քայլի գնա։ Միանշանակ չի կարելի թույլ տալ, որ Ադրբեջանը ընդգրկվի ԵԱՏՄ կազմում»,- նշեց Սարգսյանը։
Նրա կարծիքով` նման իրավիճակներից խուսափելու համար պետք է գործող վարչակազմից օր առաջ ազատվել և նոր իշխանություն ձևավորել, միայն այդ դեպքում հնարավոր կլինի մեր ազգային շահերը պաշտպանել։
Ալիևը խոսել է ՀՀ–ի հետ հարաբերություններում վստահությունն ամրապնդելու մասին
Հիշեցնենք` երեկվանից մամուլը գրում է, որ Եվրասիական տնտեսական միության (ԵԱՏՄ) երկրները քննարկում են Ադրբեջանի պատվիրակության հնարավոր մասնակցությունը ԵԱՏՄ միջկառավարական խորհրդի նիստին, որը տեղի կունենա Կազանում ապրիլի 29-30-ը:
Որո՞նք են ԵԱՏՄ երկրների զարգացման առաջնահերթ ուղղությունները
