06:07 19 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08

Ի՞նչ է պետք անել սադրանքներից զերծ մնալու համար. Տիգրան Աբրահամյանի առաջարկը

ՌԱԴԻՈ
Ստանալ կարճ հղումը
74 0 0

«Հենակետ» վերլուծական կենտրոնի ղեկավար, Արցախի նախագահի անվտանգության հարցերով նախկին խորհրդական Տիգրան Աբրահամյանը Sputnik Արմենիայի եթերում անդրադարձել է առաջնագծում ադրբեջանցիների կողմից իրականացվող ինտենսիվ ինժեներատեխնիկական աշխատանքներին։

Սադրանքներից զերծ մնալու համար ապառազմականացումը պետք է լինի առաջնագծի բոլոր ուղղություններով. Աբրահամյան

Տիգրան Աբրահամյանի դիտարկմամբ`առաջիկայում ադրբեջանական կողմը սեզոնային իրավիճակով պայմանավորված իրականացնելու է ակտիվ ինժեներական աշխատանքներ առաջնագծի բոլոր ուղղություններով, հատկապես այն վայրերում, որտեղ ձմռանը բավական բարդ է, օրինակ` Քաշաթաղի հյուսիսային հատվածներում, Քարվաճառի շրջանում, որը սահմանակից է Գեղարքունիքի, Վայոց Ձորի և Սյունիքի մարզերին։ Ըստ նրա` աշխատանքներ կծավալվեն նաև Արցախին հարակից լեռնային հատվածներում, որտեղ ձմռան և գարնան ամիսներին ոչ միայն դժվար է աշխատանքներ իրականացնելը, այլև առհասարակ բարձրանալը։

«Աշխատանքի համաչափությունը սահմանից այս ու այն կողմ դիտարկելը կամ վերլուծության ենթարկելը դժվար չէ` հաշվի առնելով այն հանգամանքը, որ առաջնագիծը և՛ Արցախում, և՛ Հայաստանում անցնում է շատ բնակավայրերով։ Օրինակ` Արցախում մինչ այդ չկար այնպիսի բնակավայր, որի անմիջական մատույցներով անցնում էր առաջնագիծ, իսկ հիմա գրեթե բոլոր բնակավայրերը դարձել են առաջնագիծ, և այդտեղ ոչ միայն փորձագետների, լրագրողների, այլև շարքային քաղաքացիների այցերը ցույց են տալիս, թե ինչպիսին է իրական իրավիճակը, և ինչպես է այն փորձում ներկայացնել իշխանությունը»,– Sputnik Արմենիային ասաց «Հենակետ» վերլուծական կենտրոնի ղեկավարը։

Աբրահամյանի կարծիքով` ՀՀ քաղաքական իշխանությունը մեղմ ասած իրավիճակը պատշաճ ձևով չի ներկայացնում, ավելին` քողարկում է ոչ միայն իրական իրավիճակը առաջնագծում, այլև գրանցվող միջադեպերը, իսկ երկրորդ հանգամանքն այն է, որ առաջնագծի մասին որևէ պատկերացում քաղաքացիներին տրվում է տեղում արված լուսանկարների կամ տեսանյութերի միջոցով, որոնք արվում են ամենատարբեր մարդկանց կողմից, հետևաբար այդտեղ, ըստ Աբրահամյանի, խորը դիտարկման անհրաժեշտություն չկա։

Արցախի նախագահի անվտանգության հարցերով նախկին խորհրդականը հիշեցրեց ոչ վաղ անցյալում իր հնչեցրած առաջարկը, ըստ որի`անհրաժեշտ է իրականացնել սահմանի ապառազմականացում, ինչը վերաբերում է ոչ միայն ծանր տեխնիկայի դուրսբերմանը, այլև տարբեր ռազմական ստորաբաժանումների հետքաշմանը։ Ըստ նրա` Արցախում կան տեղակայված խաղաղապահ ուժեր, բայց նրանք չեն գտնվում հայ–ադրբեջանական միջդիրքային հատվածում, այսինքն` խնդիրն այն, որ ոչ թե ռուսական խաղաղապահներին պետք է տեղակայել հակամարտող կողմերի միջնամասում, այլ շատ ավելի հեշտ է ստեղծել ապառազմականացված գոտիներ, ինչն, ի դեպ, հաջողությամբ կիրառվել է միջազգային պրակտիկայում, և եթե նպատակը սադրանքներից զերծ մնալն է, ապա պետք է ապառազմականացումը տեղի ունենա առաջնագծի բոլոր ուղղություններով։

թեգերը:
Տիգրան Աբրահամյան, Արցախ, Ադրբեջան

Գլխավոր թեմաներ