07:43 23 հունիսի 2021
Ուղիղ եթեր
  • USD513.07
  • GBP711.63
  • EUR609.73
  • RUB7.01

Ի՞նչ էր ակնարկում Տեր–Պետրոսյանը Նիկոլ Փաշինյանին

ՌԱԴԻՈ
Ստանալ կարճ հղումը
38610

Քաղտեխնոլոգ Վիգեն Հակոբյանը Sputnik Արմենիայի եթերում անդրադարձել է Հանրային հեռուստատեսությամբ ՀՀ առաջին նախագահ Լևոն Տեր–Պետրոսյանի հարցազրույցի որոշ դրույթներին։  

«Տեր–Պետրոսյանն ակնարկեց, որ մեծ քաղաքականությունը Փաշինյանի խելքի բանը չէ». Վիգեն Հակոբյան

Վիգեն Հակոբյանի դիտարկմամբ` հարցազրույցի թեմայի վրա լուրջ ազդեցություն են ունեցել նախընտրական իրողությունները. ՀԱԿ–ը մասնակցելու է ընտրություններին, և առաջին նախագահը` որպես այդ քաղաքական ուժի լիդեր, գլխավոր շարժիչ ուժ և գաղափարախոս, իր վրա է վերցնում բավականին լուրջ բեռ, ուստի փորձելու է ոչ միայն գաղափարական իմաստ տալ այդ մասնակցությանը, այլև վերահստատել իր նախորդ մոտեցումները` ամեն ինչ անելով, որ ՀԱԿ–ը հաղթահարի ընտրական անցողիկ շեմը։

Հակոբյանի կարծիքով` հարցազրույցը պետք է դիտարկել հենց նախընտրական պրիզմայով, որում կար և՛ քաղաքական պահի կոնյուկտուրա, և՛ կոնկրետ նպատակին միտված մարտավարություն։       

«Տեր–Պետրոսյանը դիվանագիտական ձևակերպում տվեց Նիկոլ Փաշինյանի ոճին։ Եթե առաջին նախագահի դիվանագիտական, քաղաքական հնարավորինս կոռեկտ բառապաշարը վերծանենք ավելի հասկանալի լեզվով, ապա նա հստակորեն ակնարկում է, որ Փաշինյանի մարտավարությունը` ասել մի բան, հետո չկատարել, նման է «լոկալ ճարպկության», որն անցնում է Հայաստանում, բայց  ոչ միջազգային ասպարեզում, որտեղ գործընկերները նրան այլևս լուրջ չեն վերաբերվում։ Տեր–Պետրոսյանը հենց դա նկատի ուներ»,– նշեց քաղտեխնոլոգը։ 

Հակոբյանի համոզմամբ`հենց նշված հանգամանքով է պայմանավորված այն իրողությունը, որ Նիկոլ Փաշինյանի խոսքն արդեն ոչ մի արժեք չունի միջազգային ասպարեզում, որովհետև նա իսկապես ոչ վստահելի գործընկերոջ համբավ ունի։

Քաղտեխնոլոգի գնահատմամբ` պատահական չէր, որ Տեր–Պետրոսյանն իր խոսքում հիշատակեց նաև ռուսներին` նշելով, որ Փաշինյանը չի հասկանում նաև նրանց ասածները, որովհետև Տեր–Պետրոսյանն ըստ էության շեշտում է, որ մեծ քաղաքականությունը Նիկոլ Փաշինյանի խելքի բանը չէ, նրա մակարդակը չէ, այսինքն` հասկացնում էր, որ այն, ինչ ասում են աշխարհաքաղաքական կենտրոններում, բարձրագույն պիլոտաժ է և Նիկոլ Փաշինյանը կա՛մ չի հասկանում, կա՛մ հասկանում է` փորձելով խորամանկել։ 

Հիշեցնենք, որ ՀՀ առաջին նախագահ Լևոր Տեր–Պետրոսյանը մայիսի 27–ին հարցազրույց տվեց հանրային հեռուստատեսությանը, որի ընթացքում անդրադարձավ ներքաղաքական իրողություններին, արցախյան հիմնախնդրին, 44-օրյա պատերազմի պարտության պատճառներին, ինչպես նաև Նիկոլ Փաշինյանի վարած քաղաքականության դրսևորումներին։    

Լևոն Տեր-Պետրոսյանն ասաց` ինչ ճանապարհ էր առաջարկում Արցախի խնդիրը լուծելու համար

Ըստ թեմայի

«Ապացուցեց, որ ոչինչ չի հասկանում». Տեր–Պետրոսյանը պատասխանել է Փաշինյանին
Լևոն Տեր-Պետրոսյանի պատկերացումը հետևյալն է` ԼՂ-ն տանք Ադրբեջանին և փակենք թեման. Փաշինյան
Փաշինյանը չի հասկանում, թե ինչ է իրեն ասում Ռուսաստանը. Լևոն Տեր-Պետրոսյան
թեգերը:
Լևոն Տեր–Պետրոսյան, Նիկոլ Փաշինյան, Վիգեն Հակոբյան

Գլխավոր թեմաներ