20:13 16 հունիսի 2021
Ուղիղ եթեր
  • USD514.87
  • GBP726.74
  • EUR624.18
  • RUB7.16
ՌԱԴԻՈ
Ստանալ կարճ հղումը
10710

Փորձագետ, ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանը Sputnik Արմենիայի եթերում անդրադարձել է Եվրոպայի և Եվրասիայի հարցերով պետքարտուղարի տեղակալի պաշտոնակատար Ֆիլիպ Ռիքերի գլխավորած պատվիրակության երևանյան այցին։

Գրիգոր Բալասանյանի դիտարկմամբ` Եվրոպայի և Եվրասիայի հարցերով պետքարտուղարի տեղակալի պաշտոնակատար Ֆիլիպ Ռիքերի գլխավորած պատվիրակության այցը հետաքրքիր էր այն առումով, որ ԱՄՆ պետքարտուղարության բավականին բարձրաստիճան պաշտոնյան ժամանեց  Հայաստան հենց նախընտրական թոհուբոհի շրջանում, երբ քաղաքական ուժերն ինտենսիվորեն պատրաստվում են ընտրություններին, հետևաբար այցն, ըստ Բալասանյանի, անպայմանորեն կապված է նախընտրական զարգացումների հետ։ 

«Գաղտնիք չէ, որ ընտրարշավին մասնակցում են քաղաքական շատ ուժեր, հետևաբար, հետաքրքիր է իմանալ, թե արդյո՞ք ամերիկացի պաշտոնյան ծրագրել էր հանդիպումներ ուենալ հատկապես պրոարևմտյան ուղղվածություն ունեցող քաղաքական ուժերի ներկայացուցիչների հետ»,– նշեց փորձագետը։

Բալասանյանն անդրադարձավ մամուլում տեղ գտած հրապարակումներից մեկին, որում նշված էր, թե Փաշինյանին չեն կարողանում հեռացնել, որովհետև նրան պահում է Ռուսաստանը։ Փորձագետն այդ համատեքստում հռետորական հարցապնդում արեց`նշելով, թե տրամաբանական չէ, որ Ռուսաստանը պահի Փաշինյանին, բայց Հայաստան ժամանի ԱՄՆ–ի պետքարտուղարի տեղակալը։

Իսկ ինչու՞ վերջինս Հայաստան չժամանեց նոյեմբերի 10-ին որպես համանախագահ երկրի ներկայացուցիչ, երբ ստորագրվում էր հրադադարի հայտարարությունը, ինչու՞ չժամանեց 2021 թվականի փետրվարի մարտին, երբ շարունակվում էին բողոքի զանգվածային ակցիները Փաշինյանի հեռացման պահանջով, հարցնում է Բալասանյանը։  

«Այդուհանդերձ, չեմ կարծում, որ նման այցերն էական ազդեցություն կթողնեն ընտրությունների արդյունքի վրա։ Պարզապես փորձ է արվում ցույց տալ, որ Փաշինյանն ունի Արևմուտքի աջակցությունը, ինչն այդպես չէ, բայց միևնույն ժամանակ, Արևմուտքը տեղի վարչակարգի հետ հարաբերություններն ի ցույց դնելով` փորձելու է ցույց տալ, թե ինքն է այստեղ թելադրողը և դրանով ձգտելու է ազդել հայ–ռուսական հարաբերությունների վրա»,– նշեց փորձագետը։ 

ՌԴ–ի հանդեպ Արևմուտքի ագրեսիվ քաղաքականությունը մտել է փակուղի. Մարիա Զախարովա

Բալասանյանի գնահատմամբ` մեր ԱԳՆ–ն ըստ էության գլխատված է, չկան նախարարն ու տեղակալները, և ԱՄՆ–ն, որ լուրջ նշանակություն է տալիս սուբորդինացիային, դժվար թե այս պահին իր պետքարտուղարի տեղակալին աշխատանքային այցով ուղարկեր Հայաստան` իմանալով, որ նրա աստիճանակարգի պաշտոնյա չկա ԱԳՆ–ում, ում հետ կարող է բանակցել ու որոշակի հարցեր քննարկել, ուստի վերոհիշյալ այցն, ըստ փորձագետի, կայացվել է բավականին հապճեպ և նույնիսկ հաշվի չի առնվել այն հանգամանքը, որ մեր ԱԳՆ–ն ըստ էության գլխատված է ու ամերիկացի պաշտոնյան չի կարող հավասարը հավասարի հետ բանակցելով` ձեռք բերել պայմանավորվածություններ։        

Հիշեցնենք` Ռիքերը Հայաստան էր ժամանել հունիսի 9-ին։ Նա հանդիպել է կառավարության, քաղաքացիական հասարակության ու գործարար դաշտի առաջնորդների հետ՝ քննարկելու երկկողմ առաջնահերթությունները և Լեռնային Ղարաբաղի հակամարտությանն առնչվող հարցեր։

Ավելի վաղ Ռիքերը եղել է Ադրբեջանում, հանդիպել տեղի պաշտոնյաների հետ։

Արևմուտքը շատ լավ գիտի՝ որտեղով է Պուտինն անցկացրել կարմիր գծերը

Ըստ թեմայի

Արևմուտքը պատրա՞ստ է իրապես պայքարել ՌԴ-ի դեմ հանուն Ուկրաինայի, կամ ով և ինչու է սադրում
«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին
Արևմուտքը ներխուժում է այլ պետությունների գործերի մեջ․ ՀՀ-ում ՌԴ դեսպանատուն
թեգերը:
Ընտրություններ, Ֆիլիպ Ռիքեր, Նիկոլ Փաշինյան, Արևմուտք

Գլխավոր թեմաներ