05:30 01 օգոստոսի 2021
Ուղիղ եթեր
  • USD486.24
  • GBP679.23
  • EUR578.33
  • RUB6.66

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

ՌԱԴԻՈ
Ստանալ կարճ հղումը
219 0 0

Սննդաբան, էնդոկրինոլոգ Հասմիկ Աբովյանը Sputnik Արմենիայի եթերում նշել է, որ հատկապես սրտանոթային, շնչառական խնդիրներ և շաքարային դիաբետ ունեցողները, ճիշտ սնվելուց բացի, պետք է նաև որոշակի կանոնների հետևեն։ 

Ինչ անել, եթե օրվա մեծ մասն անցկացնում եք արևի ուղիղ ճառագայթների տակ. խորհուրդներ մասնագետից

Ամռանը ջերմաստիճանի բարձրացմանը զուգահեռ ավելանում է նաև մարդու օրգանիզմի ջերմակարգավորող համակարգի ծանրաբեռնվածությունը, և մի շարք օրգան-համակարգեր, հատկապես սրտանոթային և շնչառական, սկսում են ավելի ինտենսիվ աշխատել, որի հետևանքով առաջանում են օրգանիզմի կենսագործունեության խանգարումներ: Sputnik Արմենիայի հետ զրույցում նման կարծիք հայտնեց սննդաբան, էնդոկրինոլոգ Հասմիկ Աբովյանը։ 

«Շոգ եղանակին անոթների լայնացում է տեղի ունենում, արյունը կարող է մեծամասամբ կուտակվել ոտքերի շրջանում, անգամ կարող է լինել ուշաթափություն, անոթների, սրտի հետ կապված բազմաթիվ խնդիրներ»,- ասաց նա։

Թիրախային խմբում են գտնվում հատկապես բացօթյա վաճառակետերում աշխատող կամ արևի ուղիղ ճառագայթների տակ ֆիզիկական ծանր աշխատանք կատարող մարդիկ, քանի որ հենց նրանց մոտ կարող են առաջանալ սրտանոթային համակարգի աշխատանքի սուր խանգարումներ:

«Որքան հնարավոր է պետք է պաշտպանվել արևի ուղիղ ճառագայթներից, տնից դուրս գալիս անձրևանոցներ ունենալ, անընդհատ կում-կում ջուր խմել և աշխատելիս պասիվ չմնալ, գոնե ոտքերը շարժել կամ փոքրիկ քայլերով այս ու այն կողմ գնալ-գալ, որ անոթները չլայնանան»,- նշեց Աբովյանը։

Հիշեցնենք` ԱԻՆ–ն ավելի վաղ հայտնել էր, որ արաբական անապատներից արևադարձային տաք օդային հոսանքների ներթափանցմամբ պայմանավորված ` մինչև հունիսի 27-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում, Արագածոտնի և Վայոց Ձորի նախալեռներում, ինչպես նաև Երևանում կանխատեսվում է +40, իսկ առանձին ցածրադիր հատվածներում՝ մինչև +41 աստիճան։

Սննդաբանը խոսել է շոգ եղանակին տաք թեյ խմելու օգտակարության ու վնասի մասին

Ըստ թեմայի

Ինչպես կարելի է ազատվել առավոտյան այտուցվածությունից. կոսմետոլոգի խորհուրդները
Առաջիկա օրերին Հայաստանում խիստ բարձր ջերմային ֆոն է լինելու. եղանակի տեսություն
Շեֆ-խոհարարը պատմել է շոգ ամառվա համար կատարյալ կերակրատեսակի մասին
թեգերը:
օրգանիզմ, ամառ, շոգ, խորհուրդ

Գլխավոր թեմաներ