03:42 21 հուլիսի 2018
Ուղիղ եթեր
  • USD480.62
  • GBP625.72
  • EUR560.16
  • RUB7.58
С-300

Սիդորովն` Ադրբեջանին զենք վաճառելու մասին. «Գուցե դրանում ինչ-որ դրական կողմ կա»

© Sputnik / Владимир Вяткин
Տարածաշրջան
Ստանալ կարճ հղումը
103 0 0

Ղարաբաղյան հակամարտությունը կարող է լուծվել բացառապես խաղաղ ճանապարհով, կարծում է ՀԱՊԿ միացյալ շտաբի պետը։

ԵՐԵՎԱՆ, 12 հոկտեմբերի — Sputnik. Ադրբեջանը կգտներ զենքի մատակարար, եթե այն չվաճառեին ՀԱՊԿ անդամները, Sputnik Արմենիա մամուլի կենտրոնում ասաց ՀԱՊԿ միացյալ շտաբի պետ, գեներալ–գնդապետ Անատոլի Սիդորովը։

«Կարծում եմ` եթե ինչ–որ պետություններ համագործակցում են, ապա դրա համար կան ինստիտուտներ, ղեկավարներ, որոնք խորապես և լրջորեն գնահատում են իրավիճակը։ Ես այսպես եմ հասկանում` հիմնական խնդիրը հավասարակշռության պահպանումն է, ինչպես նաև` հակամարտության վերջնական կարգավորումը», – ասաց Սիդորովը։

Նա հույս հայտնեց, որ տարբեր կառույցների գործողություններն ի վերջո կհանգեցնեն նրան, որ աշխարհում և տարածաշրջանում խաղաղություն կհաստատվի։

«Անկախ նրանից, որ ես ուսադիրներ եմ կրում, համոզված եմ, որ նմանատիպ հակամարտությունների կարգավորումը հնարավոր է բացառապես խաղաղ ճանապարհով», – ընդգծեց Սիդորովը։

Մի լավ ասացվածք կա. «Սուրբ տեղը դատարկ չի մնում»։ Եթե Ադրբեջանը մտադիր է սպառազինություն գնել, ապա նա կգտնի այն, ասաց գեներալ–գնդապետ Սիդորովը։

«Գուցե դրանում (Ռուսաստանի Ադրբեջանին զենք վաճառելու հարցում) ինչ–որ դրական կողմ կա», – ասաց Սիդորովը։

ԵԱՀԿ ՄԽ շրջանակներում ղարաբաղյան հակամարտության խաղաղ կարգավորման բանակցություններն անցկացվում են սկսած 1992 թվականից։ Խնդրի կարգավորմամբ զբաղվող ԵԱՀԿ ՄԽ համանախագահներն են Ռուսաստանը, Ֆրանսիան և ԱՄՆ–ն։

Գլխավոր թեմաներ