21:37 21 նոյեմբերի 2017
Ուղիղ եթեր
Իրանի երկրաշարժ

Իրանի երկրաշարժից տուժածների և զոհերի մեջ հայեր և ՀՀ քաղաքացիներ չկան. ԱԳՆ

© AFP 2015/ Farzad Menati
Տարածաշրջան
Ստանալ կարճ հղումը
69 0 0

Նախնական տվյալներով` Իրանի երկրաշարժից տուժածների և զոհերի մեջ հայեր և ՀՀ քաղաքացիներ չկան։

ԵՐԵՎԱՆ, 13 նոյեմբերի — Sputnik. ԱԳՆ մամուլի խոսնակ Տիգրան Բալայանը Թվիթերի իր էջի միջոցով տեղեկացրել է, որ Իրանում տեղի ունեցած ավերիչ երկրաշարժի պատճառով հայեր և ՀՀ քաղաքացիներ չեն տուժել։

«Ըստ Իրանում և Իրաքում ՀՀ դեսպանությունների նախնական տվյալների՝  իրան-իրաքյան սահմանին տեղի ունեցած երկրաշարժից տուժածների շրջանում ՀՀ քաղաքացիներ և հայեր չկան: ՀՀ ներկայացուցչությունները մշտական կապի մեջ են տեղի իշխանությունների հետ»,–գրել է Բալայանը։

Հիշեցնենք` երեկ երեկոյան Իրանում տեղի է ունեցել հզոր երկրաշարժ։

Տեղի լրատվամիջոցները հաղորդում են, որ 7,2 մագնիտուդ երկրաշարժի զոհ է դարձել ավելի քան 670 մարդ, հազարավոր տուժածներ կան։

Երկրի ռազմավարական կենտրոնները չեն տուժել, սակայն ավերվածությունների չափը շատ մեծ է։ 70 հազար մարդ զրկվել է տնից։ ​

​Իրանի երկրաշարժը գրանցվել է նաև Հայաստանում։​ Նոյեմբերի 12-ին տեղական ժամանակով ժամը 22:18-ին ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցը գրանցել է հյուսիսային լայնության 34.750 և արևելյան երկայնության 45.920 աշխարհագրական կոորդինատներով (Իրան-Իրաք, Սարպոլ-է Զահաբ քաղաքից 33 կմ հյուսիս), օջախի 20 կմ խորությամբ, 7,2 մագնիտուդով երկրաշարժ:

Գլխավոր թեմաներ