ԵՐԵՎԱՆ, 22 նոյեմբերի — Sputnik. Վրաստանի ուժայինները ձերբակալել են ենթադրյալ ահաբեկիչներից մեկին։ Ահաբեկիչները մեկուսացել էին Թբիլիսիում բարձրահարկ շենքի բնակարաններից մեկում, փոխանցում է Sputnik Գրուզիան` հղում անելով վրացական հեռուստատեսությանը։
22 նոյեմբերի 2017, 11:14
Թբիլիսիում հակաահաբեկչական գործողության ժամանակ տուժած հատուկ ջոկատայինի մահը չի հաստատվել` տուժածը վերակենդանացման բաժանմունքում է։
Երկու օտարերկրացիների ձերբակալման գործողությունն իրականացվում է Թբիլիսիի Գաբրիել Սալոսկով վանականի փողոցի №156 շենքում։ Կասկածյալները №9 մասնաշենքի երրորդ մուտքում են, այնտեղ այրվում է երկու բնակարան։ Տեղում չեն դադարում կրակոցները, պարբերաբար պայթյուններ են հնչում։
