ԵՐԵՎԱՆ, 27 նոյեմբերի — Sputnik. Ախալքալաքում հարձակման է ենթարկվել Վրաստանի խորհրդարանի հայ պատգամավոր Սամվել Մանուկյանի կահույքի խանութը։
Նոյեմբերի 26-ի լույս 27-ի գիշերը գողերը ջարդել են Ախալքալաքի Չարենց և Մյասնիկյան փողոցների խաչմերուկում գտնվող կահույքի սրահի ապակե դուռը և ներխուժել ներս: Նրանք հափշտակել են 12 000 դոլար կանխիկ գումար`իրենց հետ են տանելով նաև կահույքի տարածքը վերահսկող տեսախցիկները:
Այս տեղեկությունը հրապարակել է jnews.ge կայքը։
Դեպքի վայրում աշխատում է ոստիկանությունը: Տարվում է հետաքննություն: Դեպքի առթիվ հարուցվել է քրեական գործ՝ Վրաստանի քրեական օրենսգրքի 177-րդ հոդվածով:
Հարկ է նշել, որ վերջին շրջանում Ախալքալաքում հաճախակի են դարձել առանձնապես խոշոր չափի կողոպուտի դեպքերը: Սակայն ոստիկանության կողմից բացահայտված գործերը նվազում են: