ԵՐԵՎԱՆ, 13 դեկտեմբերի — Sputnik. Թուրքիայի Ռիզա քաղաքում գտնվող Էրդողանի անվան համալսարանի շուրջ 500 ուսանող ընթրիքի ժամանակ թունավորվել է սննդից, հայտնում է RusTurkey.com–ը։
Առաջին մտահոգիչ ախտանշաններն ի հայտ են եկել երեկոյան ուսանողական ճամբարում ընթրելուց հետո. որոշ ուսանողներ բողոքում էին կտրուկ վատացած ինքնազգացողությունից։ Բոլորը ապուր, մակարոն, կոտլետ և կարտոֆիլ էին կերել։
Տուժածները հոսպիտալացվել են, նրանց կյանքին վտանգ չի սպառնում։ Ինչն է եղել թունավորման պատճառը, դեռ պարզ չէ։ Այս պահին հայտնի է 473 ուսանողի թունավորման մասին։
Էրդողանի անվան համալսարանում (Recep Tayyip Erdoğan Üniversitesi), ընդհանուր առմամբ, 3 հազար ուսանող է սովորում։
