23:14 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Կոնստանտին Կոսաչով

Ռուսաստանն այլևս նախկին ծավալով զենք չի մատակարարի Ադրբեջանին. Կոսաչով

© Sputnik / Asatur Yesayants
Տարածաշրջան
Ստանալ կարճ հղումը
18310

2016թ–ի ապրիլից հետո Ռուսաստանը փոխել է ղարաբաղյան հակամարտության վերաբերյալ իր ռազմական քաղաքականությունը։ Այս մասին հայտարարեց Ռուսաստանի Դաշնության խորհրդի միջազգային հարցերով հանձնաժողովի նախագահ Կոնստանտին Կոսաչովը։

ԵՐԵՎԱՆ, 14 մարտի — Sputnik. 2016թ–ից հետո Ռուսաստանը լրջորեն փոխել է իր ռազմական քաղաքականությունը ղարաբաղյան հակամարտության վերաբերյալ։ Այդ մասին Հայաստանի խորհրդարանում ՀՀ ԱԺ արտաքին կապերի հանձնաժողովի նախագահ Արմեն Աշոտյանի հետ կայացած ճեպազրույցի ժամանակ հայտարարեց Ռուսաստանի Դաշնության խորհրդի միջազգային հարցերով հանձնաժողովի նախագահ Կոնստանտին Կոսաչովը։

Պատասխանելով Ադրբեջանին զենք առաքելու մասին հարցին` Կոսաչովն ասաց, որ ռուսական կողմն արձագանքում է այն իրավիճակին, որը ստեղծվել է 2016թ–ի ապրիլից հետո։

«Մենք բոլորս հասկանում ենք, որ իրավիճակը պայթյունավտանգ է։ Ռուսաստանը կատարում է պայմանագրերը, որոնք կնքվել են մինչև 2016թ–ի ապրիլը, և մենք պարտավոր ենք դա անել այդ պայմանագրերի դրույթների համաձայն։ Բայց դա իրավիճակ է, որը գոյություն է ունեցել մինչև այդ պահը։ Իմ ունեցած տեղեկատվության համաձայն` այն չի շարունակվի նույն մասշտաբներով, որոնք գոյություն են ունեցել մինչև այդ։ Մենք, անշուշտ, արձագանքում ենք իրավիճակին, որը ստեղծվել է 216թ–ի ապրիլին։ Դրանում ոչ մի կասկած չկա»,– ասաց Կոսաչովը։

Գլխավոր թեմաներ