01:57 24 հոկտեմբերի 2019
Ուղիղ եթեր
  • USD475.99
  • GBP611.79
  • EUR528.92
  • RUB7.45
Թանդոյանց եկեղեցի

Ի՞նչ որոշում է կայացրել դատավորը Թբիլիսիի հայկական Թանդոյանց եկեղեցու վերաբերյալ

Из архива культурно-просветительского центра "Айартун"
Տարածաշրջան
Ստանալ կարճ հղումը
12910

Թանդոյանց Սուրբ Աստվածածին եկեղեցու հարցով դատավարությունը մի քանի անգամ հետաձգվել է։

ԵՐԵՎԱՆ, 15 հունիսի — Sputnik, Լաուրա Սարգսյան. Դատարանին ժամանակ է պետք Թանդոյանց Սուրբ Աստվածածին եկեղեցու` հայ առաքելական, թե՞ վրացական ուղղափառ եկեղեցուն պատկանելու գործով կողմերի ներկայացրած փաստաթղթերն ուսումնասիրելու համար։

Այդ պատճառով էլ նոր լսումները նշանակվել են աշնանը, Sputnik Արմենիայի թղթակցի հետ զրույցում տեղեկացրեց Հայ առաքելական եկեղեցու վիրահայոց թեմի իրավական հարցերով բաժնի ղեկավար Միխայիլ Ավագյանը։

Իսկզբանե Թանդոյանց եկեղեցու գործով լսումները պետք է տեղի ունենային մայիսի 1-ին, այնուհետև տեղափոխեցին հունիսի 7-ին, սակայն կրկին տեղի չունեցան։ Արդյունքում` այն կայացավ հունիսի 14-ին։

«Նիստը կարճ տևեց, դատավոր Նանա Դարասելիան հայտնեց, որ ժամանակ է պետք դատարանին ներկայացրած կողմերի փաստաթղթերն ուսումնասիրելու համար», – ասաց Ավագյանը։

Նրա խոսքով` դատարանը կշարունակի կողմերից լրացուցիչ փաստաթղթեր ընդունել մինչև օգոստոսի 2-ը։ Նոր դատավարությունը նշանակվել է 2018 թվականի սեպտեմբերի 11-ին։

Հայ առաքելական եկեղեցու վիրահայոց թեմը դատարանում վիճարկում է վրաց իշխանությունների որոշումը` կապված Վրաստանի ուղղափառ եկեղեցուն վանքը փոխանցելու հետ։ Հայաստանի և Վրաստանի արխիվներում փաստաթղթեր կան, որոնք ապացուցում են, որ Թբիլիսիում XIX դարին կառուցած Թանդոյանց եկեղեցին հայկական է։ Այնուամենայնիվ, Վրաստանի իշխանությունները որոշում էին կայացրել փոխանցել այն Վրաստանի ուղղափառ եկեղեցուն և գրանցել ռեեստրում։

Ավելի վաղ վրացական Պատրիարքարանը հայտարարել էր, թե Թանդոյանցի տեղում ուղղափառ եկեղեցի է եղել։ Որպես ապացույց նրանք ներկայացնում են վրացերեն գրություններով տապանաքարերը։ Հայ առաքելական եկեղեցին արդեն հերքել է դա` նշելով, որ XVIII դարում Թանդոյանց եկեղեցու տեղում գերեզմանատուն է եղել, իսկ այն ժամանակ գերեզմանատները հայկականի ու վրացականի չէին տարանջատում։

Թանդոյանցի դատական գործով հայցվորը Հայ առաքելական եկեղեցին է, պատասխանող կողմը` Վրաստանի պետական ռեեստրում գրանցումներ իրականացնող մարմինը։ Հայկական եկեղեցին դատարանում ներկայացնում են Հանդուրժողականության և բազմազանության ինստիտուտի (TDI) ու մարդու իրավունքների և մոնիթորինգի ուսումնասիրության կենտրոնի (EMC) իրավաբանները։ 4591 քմ մակերեսով տարածքը` մշակութային հուշարձանով, վրացական պատրիարքարանին է հանձնվել 2017թ.-ի հուլիսի 26-ին։

Թանդոյանց Սուրբ Աստվածածին եկեղեցին կառուցվել է 1866 թվականին։ Մինչև ԽՍՀՄ կազմավորումը Թանդոյանցը պատկանել է Հայ առաքելական եկեղեցուն։ 1927թ.-ի օգոստոսի 12-ից եկեղեցու շենքն օգտագործել են հասարակական նպատակներով։ ԽՍՀՄ-ի փլուզումից հետո եկեղեցին անցել է պետության տնօրինությանը։ Երկար տարիներ Հայ առաքելական եկեղեցին խնդրել է Թանդոյանց եկեղեցին մյուս հայկական եկեղեցիների հետ վերադարձնել իր օրինական տերերին, բայց ապարդյուն։

Ըստ թեմայի

Յուրահատուկ հայկական վիմափոր եկեղեցին կարող է դառնալ զբոսաշրջիկների սիրելի վայրը
Դեր Զորում կվերականգնվի ավերված հայկական եկեղեցին
Հայ առաքելական եկեղեցին նշում է Սուրբ Զատիկը. տոնի նշանակությունն ու խոհուրդը
թեգերը:
Վրաստանի Հանրապետություն

Գլխավոր թեմաներ