12:08 19 սեպտեմբերի 2018
Ուղիղ եթեր
  • USD484.37
  • GBP635.69
  • EUR565.50
  • RUB7.15
Հայ զինծառայողներ

Նախիջևանի սահմանին լարումը շարունակվում է. ինչ տակտիկա պետք է ընտրի Հայաստանը

© Photo : press office of the MoD of RA
Տարածաշրջան
Ստանալ կարճ հղումը
346840

Ադրբեջանի ղեկավարությունը բացահայտ նոր պատերազմով է սպառնում Հայաստանին։ Ռազմական վերլուծաբանը կարծում է, որ Երևանը պետք է համարժեք միջոցներ ձեռնարկի։

ԵՐԵՎԱՆ, 3 հուլիսի — Sputnik. Ադրբեջանի հետ պետք է խոսել միայն ուժի լեզվով։ Այս մասին այսօր ասուլիսի ժամանակ հայտնեց Razm.info ռազմական հարթակի վերլուծաբան Տարոն Հովհաննիսյանը։

Հովհաննիսյանը նշեց, որ Բաքուն լայնածավալ մարտական զորավարժություններ է սկսել` ԵԱՀԿ–ին նախապես չզգուշացնելով, թեև Վիեննայի կոնվենցիան այդպես է նախատեսում։ Ընդ որում` զորավարժությունների սցենարը հարձակողական գործողություններ է նախատեսում, ինչը Ադրբեջանի ղեկավարության իրական մտադրությունների մասին յուրօրինակ ուղերձ է։

Բացի այդ, հունիսի 26–ի ռազմական շքերթի ընթացքում Ադրբեջանի նախագահ Իլհամ Ալիևը հայտնել էր, որ արցախյան հակամարտության լուծման ուժային տարբերակը դեռ ուժի մեջ է, ու որ միջազգային իրավունքը հիմա չի գործում։

«Երբ հարևան պետության առաջնորդը բաց տեքստով խոսում է պատերազմի մասին, միակ բանը, որը Հայաստանը պետք է անի` ռազմական գործողություններին  ավելի ինտենսիվ տեմպերով պատրաստվելն է։ Իհարկե, չի կարելի անվերջ ենթարկվել հակառակորդի սադրանքներին, սակայն չպետք է նաև թույլ տալ, որ նա իրեն անպատիժ զգա», – համոզված է Հովհաննիսյանը։

Նախիջևանում վերջերս տեղի ունեցած միջադեպը, երբ ՀՀ ԶՈւ–ն թույլ չտվեց, որ ադրբեջանական բանակն ամրապնդվի ու վառեց նրանց նոր դիրքը Հովհաննիսյանը հակառակորդի հավակնություններին համարժեք պատասխան է համարում։ Նա նաև կանխատեսում է, որ առաջիկայում հայ-ադրբեջանական սահմանի նախիջևանյան ուղղությամբ այդպիսի բախումները կշարունակվեն։

Հիշեցնենք, որ հունիսի 30-ի երեկոյան և հուլիսի 1-ի առավոտյան ադրբեջանական զինված ուժերի ստորաբաժանումները նախիջևանյան ուղղության որոշ տեղամասերում փորձել էին դիրքային ամրապնդման ինժեներական աշխատանքներ իրականացնել։ Դրան ի պատասխան, ՀՀ զինված ուժերը պատասխան կրակ էին արձակել` թույլ չտալով, որ հակառակորդը կատարի իր խնդիրը: Հայաստանի զինված ուժերի արձակած կրակից ամբողջությամբ ավերվել ու այրվել էր հակառակորդի դիրքերից մեկը:

Ըստ թեմայի

«Խրամատային տրամաբանություն». ՊՆ մամուլի քարտուղարը` Նախիջևանի իրավիճակի մասին
Նախիջևանի սահմանին տեղի ունեցածը կարող է կրկնվել. փորձագետը` վերջին «հրավառության» մասին
Ինչպես է այրվել ադրբեջանական դիրքը Նախիջևանի սահմանում. տեսանյութ
ՀՀ զինուժը Նախիջևանի հատվածում կանխել է հակառակորդի դիրքերի ամրապնդումը
թեգերը:
Ադրբեջան, Հայաստան

Գլխավոր թեմաներ