08:52 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Ադրբեջանի նախագահը

Ադրբեջանական արտանետումներ. ինչո՞ւ է Բաքուն տարածում մեկօրյա ֆեյքեր

© Sputnik / Владимир Астапкович
Տարածաշրջան
Ստանալ կարճ հղումը
38110

Չնայած իր կարճ կյանքին` կեղծ հաղորդագրությունները հասցնում են ազդեցություն ունենալ Հայաստանի բնակչության որոշ շերտերի վրա։

ԵՐԵՎԱՆ, 11 հուլիսի — Sputnik. Ադրբեջանը փորձում է օգտագործել ապատեղեկատվությունը ներքաղաքական լուրջ փոփոխությունների շրջանում Հայաստանի բնակչության վրա ազդեցություն գործելու համար, Sputnik Արմենիային ասաց  «Նորավանք» գիտակրթական հիմնադրամի Քաղաքական հետազոտությունների կենտրոնի ղեկավար Կարեն Վերանյանը։

Ավելի վաղ AzeriDefence կայքը, հղում անելով այլ ադրբեջանական ԶԼՄ–ների, հաղորդագրություն է տարածել այն մասին,որ պաշտոնական Փարիզը ֆրանսիական ընկերությունների համար վերացրել է Ադրբեջանին պաշտպանական նշանակության արտադրանք վաճառելու արգելքը:

«Եթե ուշադիր հետևել մեդիադաշտին, կարելի է նկատել, որ վերջին շրջանում Բաքուն փորձում է ուժեղացնել Երևանի վրա տեղեկատվական, քաղաքական ճնշումը։ Նման հոգեբանական և տեղեկատվական քայլերով նա փորձում է ազդեցություն գործել Հայաստանի բնակչության վրա», – ասաց Վերանյանը։

Նրա խոսքով` նման տեղեկատվություն տարածվել է ոչ միայն Ֆրանսիայի վերաբերյալ, այլ նաև Գերմանիայի և ԱՄՆ–ի (մասնավորապես, ուղղաթիռների վաճառքի մասին)։ Հետո պարզվել է, որ ուղղաթիռները վաճառվել են որպես քաղաքացիական։

Տեղեկատվական պատերազմն ընթանում է տարբեր ուղղություններով։ Չնայած տարածվող ֆեյքերի կարճ կյանքին` դրանք հասցնում են մեկ կամ երկու օրում խաղալ իրենց բացասական դերը, ասաց փորձագետը։

«Դրանց հոգեբանական ազդեցությունը բավական մեծ է լինում։ Անկախ նրանից, թե ինչ կլինի այդ արտանետման ճակատագրի հետ, գիտակցական և ենթագիտակցական մակարդակում այդ տեղեկատվությունն ազդեցություն է ունենում բնակչության որոշակի շերտերի վրա», – ասաց Վերանյանը։

Նրա խոսքով` այդ ազդեցությունը հատկապես ուժեղանում է Հայաստանում լուրջ ներքաղաքական փոփոխությունների պայմաններում։

Ավելի վաղ գերմանական մամուլում տեղեկատվություն էր հայտնվել այն մասին, որ պաշտպանական կոնցեռնը մտադիր է գործարք կնքել Բաքվի հետ։ Ադրբեջանական ԶԼՄ–ները ողողվել են «Leopard» արտադրողի հետ համագործակցության մասին վերնագրերով։

Ըստ թեմայի

«Ադրբեջանը հաղթել է իշխանության պահպանման հարցում». Ալիևի չփոխվող «երգացանկը»
Ադրբեջանը և Իսրայելը ծրագրում են սկսել ԱԹՍ–ների համատեղ արտադրություն
Ադրբեջանում ցուցարարների հետ բախման ժամանակ երկու ոստիկանի են սպանել
Վատ լուրեր կան Եվրոպայից, և Թուրքիան այժմ Ադրբեջանի խնդիրներով զբաղվելու ժամանակ չունի
թեգերը:
Ադրբեջան, Հայաստան

Գլխավոր թեմաներ