15:25 23 սեպտեմբերի 2018
Ուղիղ եթեր
  • USD482.44
  • GBP637.06
  • EUR564.60
  • RUB7.28
Ժոնաթան Լակոտ

Ֆրանսիան չի մատակարարի զենք, որը կարող է կիրառվել Արցախում. դեսպան

© Sputnik / Aram Nersesyan
Տարածաշրջան
Ստանալ կարճ հղումը
152 0 0

Պաշտոնական Փարիզը հավատարիմ է իր պարտավորություններին և հանդես է գալիս Արցախում հակամարտության խաղաղ կարգավորման համար։

ԵՐԵՎԱՆ, 12 հուլիսի — Sputnik. Ֆրանսիայի իշխանությունները չեն մատակարարի զենք, որը կարող է օգտագործվել Արցախում, հինգշաբթի հրավիրված մամուլի ասուլիսի ժամանակ ասաց Հայաստանում Ֆրանսիայի արտակարգ և լիազոր դեսպան Ժոնաթան Լաքոտը` մեկնաբանելով Ադրբեջանին զենք մատակարարելու վերաբերյալ Փարիզի կողմից էմբարգոն չեղարկելու` ադրբեջանական ԶԼՄ–ներում տարածված ապատեղեկատվությունը։ 

Ավելի վաղ AzeriDefence պորտալը, դրան հղում անելով նաև այլ ադրբեջանական ԶԼՄ–ներ, տեղեկություն էին տարածել, որ Փարիզը ֆրանսիական ընկերություններից հանել է` Ադրբեջանին ռազմական նշանակության արտադրանք վաճառելու վերաբերյալ էմբարգոն։ Հայաստանում Ֆրանսիայի դեսպանատունը հերքել էր այդ տեղեկությունը։

«Այդ տեղեկությունը ստանալուց անմիջապես հետո հերքում ենք տվել։ Մեզ համար դա մեր դիրքորոշումը ևս մեկ անգամ հաստատելու հնարավորություն էր` Ֆրանսիան հարգում է միջազգային օրենսդրության շրջանակներում ստանձնած պարտավորությունները. չի մատակարարում այնպիսի զենք կամ ռազմամթերք, որը կարող է օգտագործվել Արցախում», – ասաց Լաքոտը։

Լաքոտի խոսքով` Բրյուսելում ԵԱՀԿ ՄԽ համանախագահների մասնակցությամբ Հայաստանի և Ադրբեջանի արտգործնախարարների հանդիպումը երկար սպասված հանդիպում էր։ Նա նշեց, որ Փարիզը հավատարիմ է ստանձնած պարտավորություններին և սկզբունքներին նաև արցախյան հակամարտության կարգավորման հարցում։

«Հակամարտությունը չի կարող լուծվել ուժի կիրառմամբ։ Արցախի ժողովրդին միայն խաղաղ լուծում կարող է առաջարկվել», – ասաց Լաքոտը։

Այս մասին, ըստ նրա, ՀՀ վարչապետին ասել է նաև Ֆրանսիայի նախագահ Էմանուել Մակրոնը։ Լաքոտը նշեց, որ Ֆրանսիայի իշխանությունները դրական են ընդունում Հայաստանի հայտարարություններն այն մասին, որ հակամարտությունը կարող է կարգավորվել բացառապես խաղաղ ճանապարհով։

Հիշեցնենք, որ հուլիսի 11–ին Բրյուսելում կայացել է Հայաստանի և Ադրբեջանի արտգործնախարարներ նախարար Զոհրաբ Մնացականյանի և Էլմար Մամադյարովի 1–ին հանդիպումը։Հանդիպմանը ներկա էին ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին, Էնդրյու Շոֆերը և ԵԱՀԿ գործող նախագահի անձնական ներկայացուցիչ Անջեյ Կասպրչիկը:Զրուցակիցները մտքեր են փոխանակել Լեռնային Ղարաբաղի հիմնահարցի  կարգավորման բանակցային գործընթացին առնչվող հարցերի շուրջ: Նշենք, որ հանդիպումը 4 ժամից ավելի է տևել։

Ըստ թեմայի

Ուժեղի զսպվածություն. արդյո՞ք Արցախի շուրջ բանակցություններում նոր փուլ է մեկնարկում
Եվրոպացի դիտորդներն Արցախի ու Ադրբեջանի սահմանին դիտարկում կանցկացնեն
Արցախի հիմնահարցի լուծման ռազմական ճանապարհը ողբերգական է լինելու բոլորի համար. Սարգսյան
Հեռացրե՛ք Սավելևին Արցախի մասին հայտարարության համար. Բաղդասարովը դիմել է Ժիրինովսկուն
թեգերը:
Ադրբեջան, Արցախ, Հայաստան

Գլխավոր թեմաներ