04:50 21 նոյեմբերի 2018
Ուղիղ եթեր
  • USD484.70
  • GBP622.16
  • EUR553.96
  • RUB7.38
Նիկոլ Փաշինյանը ՆԱՏՕ-ի գործընկեր պետությունների պատվիրակությունների ղեկավարների պատվին տրված ընթրիքից առաջ (11 հուլիսի 2018թ.)

«Թավշյա» հեղափոխությունը մերկացրեց Ադրբեջանի նախագահի վախերը». Փաշինյան

© Photo: official site of the Prime minister of RA
Տարածաշրջան
Ստանալ կարճ հղումը
961 0 0

Հայաստանի վարչապետը սեփական դատողություններն է ներկայացրել Ադրբեջանի ղեկավարության հոգեբանության և մտավախությունների մասին։

ԵՐԵՎԱՆ, 12 հուլիսի — Sputnik. Վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպման մասին առայժմ չի խոսվում։ Այդ մասին հինգշաբթի օրը Բրյուսելում լրագրողների հետ հանդիպման ժամանակ ասել է  Փաշինյանը։

Գնահատելով երկու երկրների ԱԳՆ ղեկավարներ Զոհրաբ Մնացականյանի և Էլմար Մամեդյարովի առաջին հանդիպման արդյունքները՝ Փաշինյանը նշել է, որ այն շրջադարձային չի եղել և չարժե լուրջ արդյունքներ ակնկալել դրանից։

«Առաջին շփումից երբեք պետք  չէ սպասել մեծ արդյունքներ, դա արժեքավոր է նրանով, որ թույլ է տալիս ծանոթանալ», — ասել է նա։

Հայաստանի վարչապետն անդրադարձել է նաև Ադրբեջանի հետ սահմանում և արցախյան առաջնագծում տիրող իրավիճակին՝ մեկնաբանելով սահմանամերձ գոտիներում հրաձգային ակտիվության նվազեցման մասին տվյալները։ Նրա գնահատմամբ՝ վերջին շրջանում այն իսկապես բավական ցածր է, օրեր են լինում, երբ այն իսկապես շատ ցածր է։ Բայց Փաշինյանը հիշեցրել է, որ կրակոցներն Ադրբեջանի ագրեսիվության միակ ցուցանիշը չեն։

«Ես խոսում եմ, ընդհանուր առմամբ, Ադրբեջանի ագրեսիվ քաղաքականության, նրա հնչեցրած հայտարարությունների, տարածած կեղծ տեղեկատվության, ինչ-որ գործողությունների, սադրանքների մասին, որոնք, մասնավորապես, ձեռնարկվում են Նախիջևանի ուղղությամբ։ Այդ ամենը որոշ առումով կապված է նաև Հայաստանում տեղի ունեցած փոփոխությունների հետ։ Ադրբեջանը շուրջ խնդիրներ ունի կապված ժողովրդավարության, մարդու իրավունքների պաշտպանության, օրինականության, կոռուպցիայի հետ։

Կարծում եմ, որ նրանք փորձում են սահմանին սադրանքների միջոցով շեղել իրենց ժողովրդի ուշադրությունը ներքին խնդիրներից, հնարավոր է` վախենալով, որ հայկական ժողովրդավարության ալիքը կթափանցի Ադրբեջան։ Մյուս կողմից՝ չեմ կարծում, որ հայկական ժողովրդավարության ալիքը կտարածվի նաև Ադրբեջանի վրա, որովհետև այս գործընթացը մաքուր հայկական և մաքուր հայաստանյան գործընթաց էր, և որևէ միջազգային կոմունիկացիոն ուղիներ փնտրելն այդքան էլ ճիշտ չէ»,-ընդգծել է Փաշինյանը:

Նա նաև մատնացույց է արել այն հանգամանքը, որ հայաստանյան գործընթացներից հետո Ադրբեջանում տեղի ունեցան հակասահմանադրական օրենսդրական փոփոխություններ, որոնք բացահայտեցին Ադրբեջանի գործող նախագահի վախերը՝ կապված տեղի ունեցած գործընթացների հետ։

Հիշեցնենք, որ հինգշաբթի Բրյուսելում կայացել է Հայաստանի և Ադրբեջանի արտգործնախարարներ նախարար Զոհրաբ Մնացականյանի և Էլմար Մամադյարովի առաջին հանդիպումը։Հանդիպմանը ներկա էին ԵԱՀԿ Մինսկի խմբի համանախագահներ Իգոր Պոպովը, Ստեֆան Վիսկոնտին, Էնդրյու Շեֆերը և ԵԱՀԿ գործող նախագահի անձնական ներկայացուցիչ Անջեյ Կասպրչիկը:

Ըստ թեմայի

Դեռ ժամանակը չէ․ բանակցություններն առայժմ կշարունակվեն առանց Ստեփանակերտի
Երեքը և Փաշինյանը․ Time-ը Հայաստանի վարչապետին անվանել է ժողովրդավարության խաչակիր
թեգերը:
Իլհամ Ալիև, Նիկոլ Փաշինյան, Ադրբեջան, Արցախ, Հայաստան

Գլխավոր թեմաներ