06:12 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Ստամբուլ

Թուրքական լիրայի անկումը ձեռնտու է Հայաստանին․ ապրանքները կէժանանա՞ն

BULENT KILIC / AFP
Տարածաշրջան
Ստանալ կարճ հղումը
371 0 0

Ամեն տարի 250 միլիոն դոլարի թուրքական ապրանք է Հայաստան բերվում։

ԵՐԵՎԱՆ, 12 օգոստոսի – Sputnik. Թուրքական լիրայի անկման արդյունքում Թուրքիայից Հայաստան ներկրվող ապրանքների գները կընկնեն։ Այս մասին Sputnik Արմենիայի թղթակցի հետ զրույցում ասաց տնտեսագետ Վահագն Խաչատրյանը։

Այս տարվա սկզբից թուրքական  լիրան դոլարի նկատմամբ ավելի քան 38% անկում է ապրել ու ռեկորդային նվազագույն ցուցանիշի է հասել՝ 5,95 լիրա մեկ ԱՄՆ դոլարի դիմաց։

Խաչատրյանի խոսքով՝ Թուրքիայից ներմուծվող ապրանքի պաշտոնական վիճակագրություն չկա, բայց տարեկան մոտ 250 միլիոն դոլարի ապրանք է Հայաստան բերվում։

«Թուրքիան միշտ առաջին հնգյակում էր։ Դա տարօրինակ է, բայց ես դրական եմ գնահատում այդ փաստը։ Այս իրավիճակը ևս մեկ անգամ ապացուցում է, որ բիզնեսը սահմաններ չի ճանաչում, սա լավագույն  օրինակն է», — ասաց նա։

Նրա խոսքով՝ Հայաստանը կշահի թուրքական լիրայի անկումից, քանի որ Թուրքիայից բերված ապրանքները կէժանանան։

«Հիմնականում  խոսքը տեքստիլի, էլեկտրական ապրանքների, թեթև արդյունաբերական ապրանքների ու կենցաղային իրերի մասին է», — ասաց Խաչատրյանը։

Մյուս կողմից, շատ բան կախված է հենց ներկրողներից, որքանով նրանք կիջեցնեն գները։

Տնտեսագետի կարծիքով` թեև Հայաստանում չինական ապրանքները փորձում են մրցել թուրքականի հետ, սակայն վերջինների որակն ավելի բարձր է։

Խաչատրյանը նշեց, որ իրանական ազգային արժույթն էլ է անկում ապրել։ Դրա արդյունքում Իրանից Հայաստան ներկրվող ապրանքները ևս պետք է էժանանան։

Սակայն Թեհրանը վարչական գործիքներ է կիրառում, օրինակ, բարձրացնում է տրանսպորտային տուրքերը. այս մասին ասում են հայկական ընկերությունների ներկայացուցիչները։

Բացի այդ, Հայաստանի ու Իրանի միջև առևտրի մեծ մասը գազի ու էլեկտրականության փոխանակումն է։

Ըստ թեմայի

Ռուս սահմանապահները հայ-թուրքական սահմանը ապօրինի հատած քաղաքացի են բռնել
«Թավշյա հեղափոխությունն» ու թուրքական պարանոյան. Անկարան մոռացա՞վ արցախյան հիմնախնդիրը
Թուրքական լրատվամիջոցներն ամենաշատը հայերին են քարկոծում. զեկույց
Ռուս սահմանապահները հայ-թուրքական սահմանին Թուրքիայի քաղաքացի սահմանախախտի են բռնել
Հայաստանի քաղաքացիները ժպտում են. թուրքական ԶԼՄ–ները` «թավշյա հեղափոխության» մասին
թեգերը:
Թուրքիա, Հայաստան

Գլխավոր թեմաներ