14:30 20 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Վերին Լարս

Հայաստանը Ռուսաստանին կապող միակ ճանապարհը կրկին խցանված է․մոտ 700 բեռնատար հերթի են

© Photo: official site of the MTCIT of RA
Տարածաշրջան
Ստանալ կարճ հղումը
235 0 0

Ռուս մաքսայիններն աշխատել են ամբողջ գիշեր, բայց այդպես էլ չեն կարողացել հաղթահարել «Կազբեկի-Վերին Լարս» անցակետի հսկայական հերթը։

ԵՐԵՎԱՆ, 18 օգոստոսի — Sputnik. Մի քանի հարյուր բեռնատարներ կուտակվել են ռուս-վրացական սահմանին՝ «Կազբեկի-Վերին Լարս» հսկիչ անցակետում։ Այդ մասին հաղորդում է Վրաստանի Առաջին ալիքը՝ հղում անելով ֆինանսների նախարարության եկամուտների ծառայությանը։

Ինչպես գրում է Sputnik Գրուզիան, ռուսական կողմից սահմանված է բեռնատարներն անցկացնելու լիմիտ՝ օրական 180 մեքենայից ոչ ավելի։ Վրացական կողմում բեռնատարների տեղափոխության գործընթացը կարգավորում է պարեկային ոստիկանությունը։ Ռուսաստան մեկնող վարորդներն իրենց հերթին են սպասում ռազմավարական ճանապարհին՝ Ստեփանծմինդա գյուղից ոչ հեռու։ Այդ գյուղից սահման կարելի է հասնել 10 րոպեում։

«Նրանք 180 բեռնատարից ավելի չեն թողնում, երբ պետք է անցնի առնվազն 400, որպեսզի հերթ չլինի։ Շատ բեռնատարներ կանգնած են Հայաստանի սահմանին և այնտեղ սպասում են իրենց հերթին», — մեջբերում է Առաջին ալիքը Եկամուտների ծառայության աշխատակցի խոսքը։

Միաժամանակ գերատեսչությունը կանխատեսում է իրավիճակի բարելավում։

«Հիմա կարելի է հուսադրող կանխատեսում անել, քանի որ ռուսական մաքսակետն անդադար աշխատել է ամբողջ գիշեր և անցկացրել մարդատար ավտոմեքենաները։ Դրանից հետո հնարավոր է դարձել մի քիչ ավելացնել լիմիտը։ Գիշերվա ընթացքում մենք անցկացրել ենք 250 բեռնատար մեքենա, ինչը քչացրել է հերթը», — հաղորդում է Եկամուտների ծառայությունը։

Ինչպես ավելի վաղ հայտնել են Հյուսիսօսական մաքսատան մամուլի ծառայությունից, հսկիչ անցակետի թողունակությունն օրական մոտ 200 մարդատար և 180 բեռնատար մեքենաներն է։ Իսկ հիմա զբոսաշրջային թեժ սեզոն է, ամեն օր սահմանն անցնում են 3 հազար մարդատար և 600 բեռնատար մեքենաներ։ Կետը նախատեսված է օրական 4 հազար մարդու համար, հիմա անձնագրային հսկողություն է անցնում 14 հազար մարդ։

«Կազբեկի-Վերին Լարս» հսկիչ անցակետն այսօրվա դրությամբ վրաց-ռուսական սահմանին գործող միակ անցակետն է։ Այն չափազանց կարևոր է Հայաստանի համար, որն  ընդհանուր սահման չունի Վրաստանի հետ։

Ըստ թեմայի

Երկու սահմանն ինը ժամում ենք անցնում. Վերին Լարսը չի կարողանում սպասարկել մեքենաների հոսքը
Վերին Լարսը հայկական բերքի ճանապարհը չի փակել.արտահանված գյուղմթերքի ծավալը կրկնակի աճել է
Լարսը կրկին փակվեց, ավտոմեքենաները նորից կուտակվեցին
Լարսը բաց է, բայց Հայաստանում կան դժվարանցանելի ճանապարհներ
Լարսը բաց է, բայց Հայաստանի որոշ ճանապարհներ պատված են մերկասառույցով
Վերին Լարսը փակ է, իսկ ՀՀ տարածքում կան դժվարանցանելի ավտոճանապարհներ
թեգերը:
Վրաստանի Հանրապետություն, Ռուսաստան, Հայաստան

Գլխավոր թեմաներ