19:51 08 մայիսի 2021
Ուղիղ եթեր
  • USD522.09
  • GBP726.75
  • EUR630.68
  • RUB7.05
Տարածաշրջան
Ստանալ կարճ հղումը
Հայաստանի Հանրապետության 4-րդ նախագահը (135)
49 0 0

Այցի ընթացքում նախատեսվում են նաև նախագահ Արմեն Սարգսյանի հանդիպումները Վրաստանի բարձրագույն ղեկավարության հետ։

ԵՐԵՎԱՆ, 16 դեկտեմբերի — Sputnik. Հայաստանի Հանրապետության նախագահ Արմեն Սարգսյանի գլխավորած պաշտոնական պատվիրակությունն այսօր ժամանել է Վրաստան՝ մասնակցելու նորընտիր նախագահ Սալոմե Զուրաբիշվիլիի երդմնակալության արարողությանը:

Այս մասին տեղեկացնում են ՀՀ նախագահի մամուլի ծառայությունից։

Այցի ընթացքում նախատեսվում են նաև նախագահ Արմեն Սարգսյանի հանդիպումները Վրաստանի բարձրագույն ղեկավարության և արարողությանը մասնակցելու նպատակով ժամանած հյուրերի հետ։

Հիշեցնենք, որ օրեր առաջ արդեն հայտնի էր դարձել, որ ՀՀ պաշտոնական պատվիրակությունը` նախագահ Արմեն Սարգսյանի գլխավորությամբ, կմասնակցի Վրաստանի նորանշանակ նախագահ Սալոմե Զուրաբիշվիլու երդմնակալության արարողությանը։ Զուրաբիշվիլու երդմնակալության արարողությանն իրենց մասնակցությունն արդեն հաստատել են Չեխիայի Սենատի նախագահը, Լիտվայի և Սերբիայի խորհրդարանների ղեկավարները, Ռումինիայի փոխվարչապետը, Մոլդովայի արտգործնախարարը և Թուրքմենստանի առևտրի նախարարը։

Հիշեցնենք նաև, որ Վրաստանի նախագահական ընտրությունների երկրորդ փուլն անցկացվել է նոյեմբերի 28-ին։  Քվեարկության արդյունքով` Զուրաբիշվիլին ստացել է ձայների 59,52%–ը, նրա մրցակից Գրիգոլ Վաշաձեն` 40,48%–ը։ Սրանք վերջին ընտրություններն էին, որոնք ուղիղ քվեարկությամբ են անցնում, ապագայում պետության ղեկավարին 300 պատվիրակներ են նշանակելու։ Նոր նախագահի լիազորության ժամկետը 6 տարի է, ոչ թե նախկինի պես` հինգ։

 

թեմա:
Հայաստանի Հանրապետության 4-րդ նախագահը (135)

Ըստ թեմայի

Սարգսյանը քվեարկելուց հետո կատակեց. «Ո՞ր բարբառով խոսեմ։ Գյումրո՞ւ»
ԱԺ–ն և կառավարությունն աշխատելու են պատասխանատվության մեծ տիրույթում. Արմեն Սարգսյան
Սարգսյանը շնորհավորել է ԱԺ ընտրություններում հաղթած քաղաքական ուժերի ղեկավարներին
թեգերը:
Արմեն Սարգսյան, Վրաստանի Հանրապետություն

Գլխավոր թեմաներ