07:45 17 հուլիսի 2019
Ուղիղ եթեր
  • USD476.74
  • GBP593.49
  • EUR535.47
  • RUB7.60
Հայաստանի և Վրաստանի նախագահները

«Արմեն Սարգսյանը միակն էր». ինչի համար է Զուրաբիշվիլին շնորհակալ Հայաստանի նախագահին

© Sputnik / Aram Nersesyan ,
Տարածաշրջան
Ստանալ կարճ հղումը
Հայաստան–Վրաստան համագործակցություն (68)
484 0 0

Վրաստանի նախագահ Սալոմե Զուրաբիշվիլին պատմել է իր երդմնակալության արարողության շուրջ ստեղծված հետաքրքիր իրավիճակի մասին։

ԵՐԵՎԱՆ, 13 մարտի — Sputnik. Հայաստանի նախագահ Արմեն Սարգսյանը միակ նախագահն է եղել, որը մասնակցել է Վրաստանի նախագահ Սալոմե Զուրաբիշվիլու երդմնակալության արարողությանը։ Այդ մասին ասել է հենց Վրաստանի նախագահը։

«Արմեն Սարգսյանը միակ գործող նախագահն էր, ով մասնակցել է երդմնակալության արարողությանը։ Դա ինձ համար մեծ պատիվ էր», – մեջբերում է Զուրաբիշվիլու խոսքերը Վրաստանում Հայաստանի դեսպանատան մամուլի ծառայությունը։

Ավելի վաղ Հայաստանի ու Վրաստանի նախագահները քննարկել են երկկողմ հարաբերությունները ինչպես տետատետ ձևաչափով, այնպես էլ ընդլայնված կազմով։ Զուրաբիշվիլին շնորհակալություն է հայտնել Սարգսյանին հրավերի համար։

Զուրաբիշվիլին նշել է, որ Վրաստանն աջակցում է ղարաբաղյան հակամարտության խաղաղ ճանապարհով լուծմանը։

Վրաստանի նախագահն իր առաջին պաշտոնական երկօրյա այցով Հայաստան է եկել իր հայ գործընկեր Արմեն Սարգսյանի հրավերով։

Զուրաբիշվիլիի գլխավորած պատվիրակության կազմում են Վրաստանի արդարադատության նախարար Թեա Ցուլուկիանին, Վրաստանի խորհրդարանի փոխխոսնակ Գեորգի Վոլսկին, Վրաստանի խորհրդարանի պատգամավորներ, պաշտոնատար այլ անձինք:

Հիշեցնենք` Վրաստանի նախագահ Սալոմե Զուրաբիշվիլին, ՀՀ փոխվարչապետ Տիգրան Ավինյանի և Երևանի քաղաքապետ Հայկ Մարությանի ուղեկցությամբ այցելել է Ծիծեռնակաբերդ հուշահամալիր և հարգանքի տուրք է մատուցել Հայոց ցեղասպանության անմեղ զոհերի հիշատակին` ծաղիկներ խոնարհելով անմար կրակի մոտ։ Այցի շրջանակում նախատեսված են Զուրաբիշվիլիի հանդիպումները ՀՀ նախագահ Արմեն Սարգսյանի, վարչապետ Նիկոլ Փաշինյանի, ԱԺ խոսնակ Արարատ Միրզոյանի հետ։

Հիշեցնենք նաև, որ Վրաստանի նախագահ Սալոմե Զուրաբիշվիլու երդմնակալության արարողությունը տեղի է ունեցել 2018թ.–ի դեկտեմբերի 16–ին։ Արարողությանը մասնակցել է նաև Հայաստանի պատվիրակությունը` նախագահ Արմեն Սարգսյանի գլխավորությամբ։

թեմա:
Հայաստան–Վրաստան համագործակցություն (68)

Ըստ թեմայի

Սալոմե Զուրաբիշվիլին անդրադարձել է Հայաստանի ու Վրաստանի միջև սահմանագծման հարցին
Սալոմե Զուրաբիշվիլիի պաշտոնական այցը մեկնարկեց Ծիծեռնակաբերդ հուշահամալիր այցելությամբ
թեգերը:
Արմեն Սարգսյան, Վրաստանի Հանրապետություն, Հայաստան

Գլխավոր թեմաներ