20:54 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Վերին Լարս

Ցորենը Վրաստանից անիվներով, թե ռելսերով. ո՞րն է Հայաստանի համար շահավետ ուղին

© Photo: official site of the MTCIT of RA
Տարածաշրջան
Ստանալ կարճ հղումը
120 0 0

Պաշտոնական Թբիլիսին այս տարվա հոկտեմբերին պետք է վերջնական որոշում ընդունի ցորենի տեղափոխման հարցի վերաբերյալ։

ԵՐԵՎԱՆ, 26 մարտի — Sputnik, Լաուրա Սարգսյան. Վրաստանի կառավարությունը մտադիր է թույլ տալ ցորենի տեղափոխումն իրականացնել ավտոմոբիլային ճանապարհով, բայց որոշակի սահմանափակում կան։ Դա թույլ կտա դիվեսիֆիկացնել բեռնափոխադրումները և գործարկել երկաթուղին։

Sputnik Արմենիայի տեղեկությունների համաձայն` հարցը հիմա քննարկվում է երկրի կառավարությունում, վերջնական որոշում կընդունվի, երբ իշխանություններն ամեն ինչ ծանրութեթև կանեն։

Վրաստանի տարածքով ավտոմոբիլային ճանապարհով եգիպտացորեն և ցորեն բերելու արգելքը տեղափոխվել է մինչև 2019թ–ի հոկտեմբերի 1։ Մինչ այդ Հայաստանը և Վրաստանը պայմանավորվել են քննարկել հարցերը, որպեսզի հանդես գան կոնկրետ առաջարկներով։

Տրանսպորտային միջանցքի հետազոտության կենտրոնի տնօրեն Պաատա Ցագարեիշվիլին կարծում է, որ Թբիլիսիի համար ավելի շահավետ է արգելք չսահմանելը, այլ հստակ տեխնիկական կարգավորումներ գրանցելը` վնասի նվազագույնի հասցնելու համար, ամենից առաջ, հենց Վրաստանի համար։

«Դա թույլ կտա ոչ միայն Վրաստանին, այլ նաև Հայաստանին դիվերսիֆիկացնել ցորենի առաքումները։ Ի դեպ, այլընտրանքային երթուղիների առկայությունը ձեռնտու է նաև Երևանին», – ասաց Ցագարեիշվիլին Sputnik Արմենիայի թղթակցի հետ զրույցում։

Նա նշեց, որ Երևանն այդպիսով կարող է օգտվել փոխադրման մուլտիմոդալային տեսակից` լաստանավ–երկաթուղի–ավտոմոբիլային տրանսպորտ։ Թեև այդ ուղին ավելի երկար է ավտոմոբիլայինից, բայց գրագետ մոտեցման և լաստանավային ու երկաթուղային փոխադրումների համար սակագները նվազեցնելու դեպքում կարող է մրցակցային և գրավիչ երթուղի դառնալ։

Օրինակ` այսօր Ռուսաստանից Հայաստան ավտոմոբիլային ճանապարհով 1 տոննա ցորեն տեղափոխելը փոխադրողների համար կարժենա 53-56 դոլար։ Միաժամանակ, Ռուսաստանից Հայաստան լաստանավային և երկաթուղային փոխադրման համար ծախսվում է 104-108 դոլար (այս գումարի մեջ չի մտնում Հայաստանում և Վրաստանում երկաթուղային ընկերությունների կողմից հայտարարված 50 տոկոս զեղչը` խմբ.)։

Երկրորդ երթուղին իսկապես երկար է. Ռուսաստանում պահեստից բեռն ավտոմոբիլային տրանսպորտով տեղափոխվում է Նովոռոսիսկի նավահանգիստ, որտեղից բեռնում են լաստանավը, տեղափոխում Փոթի նավահանգիստ։ Այնուհետև բեռը երկաթուղով առաքվում է Հայաստան։ Փոխադրողները միանշանակ ժամանակի կորուստ են տալիս։ Կրասնոդարից Երևան ավտոմոբիլային ճանապարհով բեռները տեղափոխվում են հինգ օրում։

Ցագարեիշվիլին վստահ է, որ երկաթուղային փոխադրումների սակագները պետք է նվազեցվեն` ավտոմոբիլային տրանսպորտով բեռնափոխադրման հետ մրցակցելու համար։ Փորձագետի կարծիքով` հայկական կողմը կարող է իր ավանդն ունենալ այդ հարցի լուծման մեջ։

Անհրաժեշտ է նաև ակտիվացնել լաստանավային ուղղությունը։ 2018թ.–ից դեկտեմբերի 1–ից Կովկաս–Փոթի–Կովկաս երթուղով կանոնավոր լաստանավային հաղորդակցությունը դադարեցվել է։ «Հարավկովկասյան երկաթուղի» ՓԲԸ–ը բեռնափոխադրումների ծավալի նվազեցումը բացատրում է նրանով, որ 2018թ.–ին այդ երթուղով փոխադրումներ իրականացրած ընկերությունը հրաժարվել է ծառայություններ տրամադրել։ ՀԿԵ–ն պայմանավորվել է ուրիշ ընկերության հետ, սակայն պայման է դրել` լաստանավն աշխատում է ամբողջական բեռնվածության դեպքում։

ՀԿԵ–ում կարծում են, որ իրավիճակը կարող է շտկել ցորենը «անիվներից ռելսերի» տեղափոխելը։ Եթե ցորենը տեղափոխվի երկաթուղով, ապա լաստանավը կվերսկսի իր աշխատանքը կայուն ռեժիմով։ Կնվազի նաև «Վերին Լարս» հսկիչ–անցակետի ծանրաբեռնվածությունը։

Հիշեցնենք, որ 2018թ–ին Հայաստան է առաքվել 325829,71 տոննա ցորեն, որից 37,6 հազար տոննան կամ 580 վագոնը` երկաթուղով։

Ըստ թեմայի

«Հարավկովկասյան երկաթուղին» նվազեցնում է Փոթիից ցորենի ներկրման գները
Հարությունյան. «Ցորենի խնդիրը լուծելու լավագույն տարբերակը տեղական արտադրությունն է»
Թբիլիսին հետաձգել է ցորենի ներկրման արգելքը, իսկ ի՞նչ կլինի եգիպտացորենի հետ. բացառիկ
թեգերը:
Հայաստան, Վրաստանի Հանրապետություն, Վերին Լարս, Լարս

Գլխավոր թեմաներ