ԵՐԵՎԱՆ, 4 ապրիլի — Sputnik. Հայաստանի ԱԳՆ Զոհրաբ Մնացականյանի և Ադրբեջանի ԱԳՆ Էլմար Մամեդյարովի առաջիկա հանդիպումը կկայանա ԵԱՀԿ Մինսկի Խմբի համանախագահ երկրներից մեկի մայրաքաղաքում, մոտակա ժամանակներս։
Այս մասին Sputnik Արմենիային տեղեկացրեց ՀՀ ԱԳՆ մամուլի քարտուղար Աննա Նաղդալյանը։
«Համանախագահների կողմից հանդիպում անցկացնելու առաջարկ եղել է։ Իսկ ամսաթիվը մենք միշտ հայտնում ենք համաձայնեցված կարգով և չենք խախտելու այդ սկզբունքը»,–ասաց Նաղդալյանը։
Հիշեցնենք, որ Հայաստանի և Ադրբեջանի ԱԳ նախարարների վերջին հանդիպումը կայացել է մարտի 28–ին Ավստրիայի մայրաքաղաք Վիեննայում։
Ապա` մարտի 29–ին, Վիեննայում կայացել է նաև ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։