05:13 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Թուրքիա

Էրդողանը ստիպում է քրդերին զենք վերցնել․ փորձագետը՝ Թուրքիայում տիրող վախի մթնոլորտի մասին

© REUTERS / MURAD SEZER
Տարածաշրջան
Ստանալ կարճ հղումը
243 0 0

Թուրքիայի նախագահ Ռեջեփ Թայիփ Էրդողանը վարում է քրդամետ Ժողովուրդների դեմոկրատական կուսակցության վրա ճնշում գործադրելու ակտիվ և նպատակաուղղված քաղաքականություն։

ԵՐԵՎԱՆ, 14 ապրիլի — Sputnik. Նպատակաուղղված ճնշելով Ժողովուրդների դեմոկրատական կուսակցությանը՝ Թուրքիայի նախագահ Ռեջեփ Թայիթ Էրդողանը քրդերին ստիպում է զենք վերցնել։ Նման կարծիք հայտնեց Հայաստանի ԳԱԱ Արևելագիտության ինստիտուտի տնօրեն Ռուբեն Սաֆրաստյանը Sputnik Արմենիայի հետ հարցազրույցում։

«Վերջին երկու խորհրդարանական ընտրություններում Ժողովուրդների դեմոկրատական կուսակցության ստացած ձայների թիվն աճել է, նրանք հայտնվել են օրենսդրական մարմնում։ Բայց վերջին ՏԻՄ ընտրությունների արդյունքներով այս ուժին տված ձայների թիվը կրճատվել է 2,5 անգամ», - ասաց Սաֆրաստյանը։

Փորձագետի կարծիքով՝ քվեարկության անմխիթար արդյունքները բացատրվում են նրանով, որ խորհրդարանական ընտրություններում ընդդիմության հաջողությունից հետո Էրդողանը սկսել է ակտիվորեն աշխատել քրդամետ կուսակցության դեմ։ Որոշ ընդդիմադիր առաջնորդներ բանտարկվել են, երկրում ձևավորվել է վախի մթնոլորտ։

Արդյունքում կուսակցությունը կորցրեց վերջին տարիներին ձեռք բերած դիրքերը։ Հենց դա էլ պատճառ դարձավ, որ Ժողովուրդների դեմոկրատական կուսակցությունը տեղական ինքնակառավարման մարմինների ընտրություններում քիչ ձայն հավաքի նույնիսկ քրդաբնակ շրջաններում։

«Մի կողմից, Էրդողանը հասնում է իր նպատակին՝ թուլացնելով քրդամետ կուսակցությունը։ Բայց, մյուս կողմից, երկարաժամկետ հեռանկարում նա ստեղծում է հարցերը ոչ թե քաղաքական մեթոդներով, այլ զենքի օգնությամբ լուծելու քրդերի ճանապարհը, ինչպես և դա անում է Քրդստանի բանվորական կուսակցությունը», - կարծում է Սաֆրաստյանը։

Փորձագետի կարծիքով՝ թուրքական իշխանությունները կարող են ժամանակավորապես կոծկել քրդական հարցը, բայց խնդիրն ամեն դեպքում մնում է, և այն միայն ճնշման ճանապարհով լուծել չի հաջողվի։

Թուրքիայում ՏԻՄ ընտրությունները կայացել են մարտի 31-ին։ Դրանց մասնակցել է 13 քաղաքական կուսակցություն։ Չնայած հաղթանակին՝ Էրդողանի Արդարություն և զարգացում կուսակցությունը պարտվել է երկրի խոշոր քաղաքներում։

Ըստ թեմայի

Էրդողանը կորցրեց իշխանությունը Թուրքիայի մեծ քաղաքներում. ի՞նչ օգուտ դրանից հայերին
Թուրքիայի կուսակցությունների արտաքին քաղաքականությունը գրեթե նույնն է. Խուդավերդյան
Թուրքիայի հայերի անդրկուլիսային պայքարը․ Էրդողանը պատրիարքի ընտրությունների ժամանակ չունի՞
թեգերը:
Ռեջեփ Թայիփ Էրդողան, Թուրքիա

Գլխավոր թեմաներ