18:43 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Հիշատակի ակցիա Թբիլիսիում

Վրաստանում Թուրքիայի դեսպանատունը փորձել է տապալել ցեղասպանության զոհերի հիշատակի ակցիան

© Photo : Aliq Media
Տարածաշրջան
Ստանալ կարճ հղումը
Հայոց ցեղասպանություն (192)
200 0 0

Վրաստանի հայ համայնքի ներկայացուցիչները Թբիլիսիում Թուրքիայի դեսպանատան գործողություններն անընդունելի են անվանել։

ԵՐԵՎԱՆ, 24 ապրիլի — Sputnik. Վրաստանում Թուրքիայի դեսպանատան ներկայացուցիչները փորձել են տապալել տեղի հայ համայնքի խաղաղ ակցիան  դիվանագիտական ներկայացուցչության շենքի դիմաց։

Թբիլիսիում մի քանի հարյուր հայեր ամեն տարի ապրիլի 24–ին հավաքվում են Թուրքիայի դեսպանատան դիմաց` Հայոց ցեղասպանության զոհերի հիշատակի խաղաղ ակցիա անցկացնելու համար։

Այս տարի, ի հեճուկս հայկական ակցիայի, Թուրքիայի դեսպանատանը կազմակերպել է համերգ և ցուցահանդես Երեխաների օրվա կապակցությամբ, որը այդ երկրում նշվում է ապրիլի 23-ին։

Այսպիսով, դեսպանատան դիմացի տարածքը բաժանվել է մի քանի մասի. մի կողմից ընթանում է համերգ և ցուցահանդես, մյուս կողմից` Հայոց ցեղասպանության զոհերի հիշատակի ակցիա։

Վրաստանի հայ համայնքի ներկայացուցիչներն արդեն անընդունելի են անվանել թուրքական դեսպանատան գործողությունները։ Չնայած այդ հակաակցիային` նրանք կոչ են արել հավաքվածներին չտրվել սադրանքների։

Թբիլիսի քաղաքապետարանի մամուլի ծառայությունից Sputnik Արմենիայի թղթակցի հետ զրույցում հայտնեցին, որ քաղաքապետարանը նախօրոք չի իմացել Թուրքիայի դեսպանատան շենքի դիմաց երկու միջոցառում անցկացնելու ստույգ ժամանակացւյցի մասին։

«Հենց մենք տեղեկություն ստացանք ակցիաներն անցկացնելու մասին, փոխանցեցինք այն ներքին գործերի նախարարություն, որը պատասխանատվություն է կրում միջոցառումների համակարգման համար», – ասացին մամուլի ծառայությունից։

Sputnik Արմենիայի թղթակիցը դիմել է նաև Վրաստանին ՆԳՆ, սակայն առայժմ չի հաջողվել մեկնաբանություն ստանալ։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ նահանգների զգալի մասը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

թեմա:
Հայոց ցեղասպանություն (192)

Ըստ թեմայի

Ջեմալ փաշայի թոռը Հայոց ցեղասպանության մասին գրառում է արել սոցցանցում
Շնորհակալություն ճանաչելու համար. Հենրիխ Մխիթարյանը գրառում է արել Facebook–ում
Մանսուրյանի մայրը մանկատան սան է եղել. մաեստրոն հիշել է ցեղասպանությունից տուժած ծնողներին
թեգերը:
Ցեղասպանություն, Վրաստանի Հանրապետություն

Գլխավոր թեմաներ