07:25 17 սեպտեմբերի 2019
Ուղիղ եթեր
  • USD476.16
  • GBP592.63
  • EUR526.54
  • RUB7.43
Միխայիլ Շվիդկոյ

Հայաստանի և Ադրբեջանի հասարակությունների միջև պետք է երկխոսություն սկսել. Շվիդկոյ

© Sputnik / Asatur Yesayants
Տարածաշրջան
Ստանալ կարճ հղումը
Ղարաբաղյան հակամարտություն (276)
117 0 0

Ռուսական կողմը պատրաստ է միջնորդ լինել երկու երկրների խորհրդարանների, ՀԿ–ների ներկայացուցիչների միջև կապեր ստեղծելու համար։

ԵՐԵՎԱՆ, 26 ապրիլի — Sputnik. Ռուսաստանը, ինչպես նաև ողջ միջազգային հանրությունը շահագրգռված են, որ Հայաստանն ու Ադրբեջանը ղարաբաղյան հիմնախնդրի շուրջ խաղաղ կարգավորման կարողանան հասնել։ Այս մասին Սանկտ Պետերբուրգում հայ և ադրբեջանցի լրագրողների խմբին ասաց ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը:

Նա հիշեցրեց, որ երկու երկրներին զորքերի շփման գիծն է բաժանում։ Շվիդկոյը կարծում է, որ սա հարևանության այն ձև չէ, որ ցանկալի կլիներ։

«Մենք կցանկանայինք, որ երկու երկրների ժողովուրդները միանային բանակցային գործընթացին։ Գիտեք` քաղաքական գործիչները կարող են ցանկացած որոշում կայացնել, սակայն կարևոր է, որ այդ որոշումները ընդունեն նաև երկրի քաղաքացիները։ Մենք հասկանում ենք, որ այս 30 տարիների ընթացքում շատ ցավ ու հակասություններ են կուտակվել։ Եվ հեշտ չի լինի համաձայնության գալ։ Ինձ թվում է, որ կարևոր է քաղաքացիական հասարակությունների միջև մարդասիրական բնույթի շփումներ հաստատել», – ասաց Շվիդկոյը։

Նրա խոսքով` ռուսական կողմը պատրաստ է միջնորդ լինել երկու երկրների խորհրդարանների, ՀԿ–ների ներկայացուցիչների միջև կապեր հաստատելու համար։ Քանի որ դա շատ բարդ ու նուրբ գործընթաց է, պետք է, որ դրան մասնակցեն մարդիկ, որոնք վստահում են միմյանց և որոնք այդ երկրներում որոշակի հեղինակություն ունեն։

Ինչպես կարծում է Ռուսաստանի նախագահի հատուկ ներկայացուցիչը, այսօր որոշակի միտումներ կան, որոնք հուշում են, որ այդ գործընթացը կարելի է սկսել։ Շվիդկոյը մտադիր է զրուցել Հայաստանի և Ադրբեջանի գործընկերների հետ, հասկանալ, թե ովքեր են ներկայացնելու երկրները։ Նա կարծում է, որ երկու երկրների ղեկավարությունը դրա համար կամք դրսևորել է։

Հիշեցնենք, որ Վիեննայում մարտի 29-ին կայացավ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջին պաշտոնական հանդիպումը։ Հանդիպման արդյունքում մասնավորապես պայմանավորվածություն  ձեռք բերվեց մարդասիրական բնույթի մի շարք նախաձեռնությունների իրականացման մասին։ Երկու շաբաթ անց Մոսկվայում Ռուսաստանի արտգործնախարարի մասնակցությամբ տեղի ունեցավ նաև երկու երկրների ԱԳՆ ղեկավարների հերթական հանդիպումը։

թեմա:
Ղարաբաղյան հակամարտություն (276)

Ըստ թեմայի

Հայաստանը վերջին 15 տարիների ընթացքում խաղաղապահության լուրջ փորձ է կուտակել. Տոնոյան
Ի՞նչ ակնկալել Մեդվեդևի այցից. ՌԴ-ի հետ հարաբերությունների առաջխաղացում է կանխատեսվում
«Հայոց ցեղասպանություն չի եղել, բայց երաշխիք չկա, որ չի լինի». Թուրքիան սիրող հայերի համար
թեգերը:
Ադրբեջան, Ռուսաստան, Արցախ, Հայաստան

Գլխավոր թեմաներ